❤️ నవ్వులో గూఢత్వంలేదు…చూపులో నర్మగర్భత లేదు…ఎక్స్ ప్రెషన్ లో అభినయం లేదు…మనుషులకు ముసుగులు లేవు…ఇదంతా “చందమామ కథలు” సినిమా గురించి.  అసంబద్ధతలు లేని సినిమాలను ఆమోదించలేని అలవాటే వొంటబట్టించుకున్నాము. మేకప్పులు పులిమిన ముఖాల్నే తప్ప అంతర్ముఖాల్నీ గుర్తుపట్టలేని స్ధితికి చేరుకున్నాము.
❤️ అలాంటి సినిమాల మధ్య “చందమామ కథలు” సినిమా  బాగుంది. ఇందులో ఇద్దరు హీరోయిన్లు ఫైట్లు ఐటమ్ సాంగులు కామెడీ టా్రకులు లేవు. ఇందులో వున్నవారంతా   హీరోలు హీరోయిన్లే… అందరికీ పెయిన్ వుంటుంది. పెయిన్ తో స్ట్రగుల్ వుంటుంది. జీవితాల్నే చూస్తున్నట్టు వుంటుంది. ఇందులో జీవితాన్ని ఎదురించడమో జీవితం మీద తిరగబడటమో వుండదు. జీవితం ఎలా నడిపిస్తే అలా నడవడమే వుంటుంది. అలా నడవడంలో వున్న చిన్న చిన్న మెలో డ్రామాలే ఈ సినిమాలో బ్యూటీ!
♥️ నాకైతే బాగుంది. (నా టేస్ట్ అంత మంచిది కాదని నా స్నేహితులు అంటారు. ఇందువల్ల నా మాటల ఆధారంగా మాత్రమే ఈ సినిమా చూడవద్దని మనవి)