Month: May 2014

  • ఇద్దరు ముఖ్యమంత్రులకూ ఇక పోలికా పోటీ!

    ఉత్పత్తి-వినియోగం ఒకేచోట ఉంటే పన్నులుండవు దిగుమతి వస్తులపై తప్పని వ్యాట్ పన్నులు విభజన తరువాత వాట్ టాక్స్ వల్ల – తెలంగాణాలో విద్యుత్, పెటో్రలు, స్టీలు … ఆంధ్రప్రదేశ్ లో సిమెంటు, మందులు, లిక్కర్ల ధరలు పెరిగే అవకాశం  ప్రజలమీద పడే అదనపు భారాల విషయంలో ప్రభుత్వాలు  మౌనంగా వుంటాయా ఏమైనా చేస్తాయా అన్నది చూడాలి 14 వేల కోట్ల రూపాయలలోటుతో ఆంధ్రప్రదేశ్ 7 వేల కోట్లరూపాయల లోటుతో తెలంగాణా  కొత్తజీవితాలు ప్రారంభిస్తున్నాయి.. రాజధానితోసహా మౌలికవసతులను నిర్మించుకోవలసిన […]

  • తాడుమీద తెలుగుదేశం నడక !

    తెలుగుదేశం పార్టీకి ఆంధ్రప్రదేశ్ శాసన సభలో ఎమ్మెల్యేల సంఖ్యాబలం రిత్యా ఎదురే వుండదు. అయినా ఇష్టారాజ్యంగా పాలించడానికి అవకాశంలేదు.. రాష్ట్రపునర్నిర్మాణంలో వనరులను నిధులనూ కూడగట్టుకోవడం పెద్ద కష్టం. జనరంజకంగా పాలించడం అంతకుమించిన కష్టం. ఎందుకంటే తెలుగుదేశానికి వ్యతిరేకంగా జగన్ కి అనుకూలంగా ఓటువేసిన వారి సంఖ్య నూటికి నలభైతొమ్మిది మంది.  డబ్బులేని కారణంగా వైద్యంలేక ఏ ఒక్కరికీ అర్ధంతరపు చావురాకూడదన్న వైఎస్ రాజశేఖరరెడ్డి గారి  “మానవీయ”పధకం ఆరోగ్య శ్రీ పధకం – జగన్ సాధించిన 49 శాతం […]

  • దాహం ఒక దెయ్యమే!

    ఉపశమించని దాహంతో దేహం ఆర్చుకుపోవడం తెల్లవారుతూనే మొదలౌతోంది. వైశాఖ మాసమంటేనే జీవుల గొంతెండిపోవడం.. ఇంతకాలమూ ఫోకస్ అంతా ఎన్నికలమీదే ….అందుబాటులో సీసాలకొద్దీ నీళ్ళు వుండటం వల్ల దాహ బాధ తెలియకుండాపోయింది. నీళ్ళు దగ్గర లేనపుడు దాహం ఎలా పీడిస్తుందో  (దాదాపు 50 రోజుల తరువాత)మార్నింగ్ వాక్ కి వెళ్తూంటే అనుభవమయ్యింది..ఎటుచూసినా భవనాలు ఎదురుగా కనుచూపు మేరా రోడ్డు..అక్కడడక్కడా అటూఇటూ తిరిగే మనుషులు…బిక్కుబిక్కు మంటున్నట్టు మొక్కలూ చెట్లే… దాహాన్ని వదలని దెయ్యం అందామా, పీడించే పిశాచం అందామా అనుకుంటూండగానే […]

  • జ్ఞాపకాలంటే ఒకే జీవితంలో అనేక జీవితాలు

    చెరువు నిండిన నీరు మరో చెరువులోకి మరలిపోయే దారే “జాలు”. ఈ జాలులే పుంతలు…ఊరికీ ఊరుకీ మధ్య రహదారులు.. అవన్నీ చౌడునేలలే వర్షాకాలంలో అక్కడ నడక నరకమే. పాదాలు వాచిపోయి/ఉబ్బిపోయి దురదలు…మంటలు…పొలంలో ఉన్న ఇంటికీ చిన్నావారిగూడెంలో బడికీ ఏడు ఫర్లాంగుల దూరం (8ఫర్లాంగులు ఒక మైలు) టీచరైన అమ్మ, నాలుగో క్లాసు లో వున్ననేను రోజూ పోకరాక, పోకరాక నాలుగుసార్లు జాలులోనే నడక. కాలి దురదలు వాపు భరించలేనపుడు కాలి వేళ్ళను ఒకొటొకటిగా పురికొస(తాడుతో) గట్టిగా చుట్టి […]

  • కాలుజారిందా? తలతిరిగిందా?

    ఎలకా్రనిక్స్, కమ్యూనికేషన్సు అనుసంధానమయ్యాక అన్నిరంగాల స్వరూప స్వభావాలే మారిపోతున్నాయి. ఇందులో వైద్యరంగం సాధిస్తున్న ప్రయోజనాలు అతిముఖ్యవైనవేమో అనిపిస్తోంది. ఇది రాజమండ్రిలో నేను చూసిన ఒక అనుభవం ఒక ప్రముఖుడు బాత్ రూమ్ లో పడిపోయారు. మోచేతిదుగువ చిన్న ఫ్రాక్చర్ అయ్యింది. అక్కడ పట్టీవేశారు. మూడునాలుగు వారాలకు అది మానిపతుంది. అసలు ఎందుకు పడ్డారు ? అన్న ప్రశ్న నుంచే ఈ కథమొదలయ్యింది.  జిఎస్ఎల్ మెడికల్ కాలేజీ టీచింగ్ హాస్పిటల్లో నిపుణులు ఆయన్ని ఈ ప్రశ్న అడిగారు. తలతిరగడం […]

  • కురిసింది వాన…

    అర్ధరాత్రి వేళ గంటపాటు ఉరిమిన ప్రతీ ఉరుమూ జీవితాన్ని ఆకస్మికంగా జంక్షన్ లో నిలబెట్టి ఎటువైపు నీనడక అని భయపెట్టినట్టయింది!  తెల్లవార్లూ ఆగి ఆగి కురిసిన వానలో స్నానం చేసిన చెట్లు ఆకులలు మెరుస్తున్నాయి. దుమ్మూ ధూళీ వొదిలిన ఊరు యవ్వనంలో మిలమిలలాడుతున్నట్టుంది. మెత్తబడిన నేల కాలుమోపిన చోట అమ్మై హత్తుకున్నట్టుంది.  కానికాలపు వాన ….చల్లగా హాయి ఇస్తున్నట్టు, అల్పపీడనాలో వాయుగుండాలో లేకపోతే కురవనే కురవను అని భయపెడుతున్నట్టూ వుంది.  మాగాణుల్లోనే ధాన్యం రాశులు పోసిన రైతుల […]

  • ☀️ జనంనాడి ఎలావుంది?

    (2014 ఎన్నికల నేపధ్యం! జాతీయ స్ధాయిలో) ♦️ కాంగ్రస్ అధ్యక్షురాలి హోదాలో యిపిఎ చైర్ పర్సన్ హోదాలో దేశాన్ని పాలిస్తున్న సోనియా, ఆమె కోటరీ బాధ్యత లేని అధికారాల్ని చెలాయించడం దేశ, విదేశాల్లో భారతదేశ ప్రజాస్వమ్య విలువల్ని పలచన చేశాయి.  అవినీతి, కుంభకోణాలు ఎన్నడూ లేనంతగా పెరిగిపోయాయి ♦️ బిజెపికి మించిన ఎత్తుకి నరేంద్రమోదీ పెరిగిపోయారు. ఆయన మాట కాదనలేని అనివార్యతను ఆయన పార్టీముందుంచారు. వ్యక్తిపూజలో కాంగ్రస్ పార్టీకి సరితూగే స్ధితిని బిజెపికి తెచ్చిపెట్టారు ♦️ వామపక్షాలు […]

  • 😡 మరచిపోగలమా?

    హైదరాబాద్ ఉమ్మడి రాజధానిగా వున్నంతకాలం ఆంధ్రప్రదేశ్ ఆదాయాలు కూడా తెలంగాణా ఖజానాలో కలిసిపోతాయి. పదేళ్ళకు మించకుండా హైదరాబాద్ లో వుండవచ్చని సోనియా దయతలిచారు. దీనర్ధం ఎంతకాలం హైదరాబాద్ లో వుంటే అంతకాలమూ ఆ రషా్ట్రనికి ఈ రాష్ట్రం ఆదాయాలను కప్పంగా కట్టాలనే.  ఇలా సీమాంధ్ర గొంతుకోసిన సోనియా వుండగా ఆపార్టీకి ఓటు వేసేది లేదు బిజెపి తెలుగుదేశం ఉత్తరాలు ఇచ్చినందువల్లే విభజించామంటున్నారు. ఆపార్టీలు ఇలా సీమాంధ్ర గొంతు కోసేయ్యమన్నాయా?  జూన్ 2 తరువాత సొంత రాజధాని లేకపోతే […]

  • ఏ నినాదం గెలుస్తుంది? కొత్త రాష్ట్ర నిర్మాణం – సంక్షేమ పధకాలు

    వైఎస్ రాజశేఖరరెడ్డి 2004 లో నినదించిన “సంక్షేమ”నినాదం బాబు ఓటమికి పైకి కనిపించే కారణం. ఆయితే ఆ ఓటమికి మూలం ఆర్ధిక సంస్కరణల అమలులో చంద్రబాబు మోడల్ ని  ప్రజలు తిరస్కరించడమే!  అధికారానికొచ్చిన వైఎస్, సమాజ సంక్షేమాన్ని ఓట్ల రాజకీయాల సైజుకి మార్చేశారు. కమ్యూనిటీ మౌలికసదుపాయాలు పెంచి వ్యక్తుల ఆర్ధిక స్ధితులు మెరుగుపరచవలసిన సూత్రాన్ని వదిలేసి వ్యక్తిగత లబ్ధి ఇచ్చే సబ్సిడి సంక్షేమాన్ని విస్తరింపజేశారు. ఉత్పత్తినీ ఉత్పాదకతనూ ధ్వంసం చేసిన  ఈ విధానం వైఎస్ ను 2009 […]