Search

Full Story

All that around you

Month

December 2014

జీవన సాఫల్యం!


సుప్రసిద్ధ సర్జన్, జి ఎస్ ఎల్ మెడికల్ కాలేజి మెంటార్, రాజమండ్రి పౌరప్రముఖుడు
డాక్టర్ గన్ని భాస్కరరావు వైద్యరంగంలో నిబద్ధతా, నైపుణ్యాలపై ‘లైఫ్ టైమ్ ఎచీవ్ మెంటు’ అవార్డు అందుకున్నారు.

అహ్మదాబాద్ లో డిసెంబరు 27 న జరిగిన ఇండియన్ మెడికల్ అసోసియేషన్ 89 వ నేషనల్ కాన్ఫరెన్స్ లో డాక్టర్ గన్ని కి ఈ అవార్డుని అందజేశారు.

ఐఎంఎ నేషనల్ ప్రసిడెంట్ డాక్టర్ జితేంద్ర పటేల్, కేంద్ర వైద్య శాఖ మంత్రి జగత్ ప్రకాశ్, గుజరాత్ వైద్య మంత్రి నితిన్ భాయ్ పటేల్, ఎంసిఐ చైర్మన్ డాక్టర్ జయశ్రీ మెహతా, కేతన్ దేశాయ్ మొదలైన మెంబర్లు, దేశవ్యాప్తంగా వైద్యరంగం ప్రముఖులు ఈ కార్యక్రమంలో పాల్గొన్నారు.

IMG_0574.JPG

IMG_1614.JPG

ప్రతిపక్షం లేని పాలన ప్రజాప్రయోజనాలకు హానికరం – కాంగ్రెస్ కోలుకోవాలి (శనివారం – నవీనమ్)


రాషా్ట్రలకు రాషా్ట్రలే కాంగ్రెస్ చేజారిపోతున్నాయి, ఇందులో పార్టీ వైఫల్యంఉంది. నాయకుల తప్పిదాలు ఉన్నాయి. లోక్‌సభ ఎన్నికల్లో సంభవించిన పరాజయాన్ని సంపూర్ణంగా అర్థం చేసుకున్నట్లయితే, రాషా్ట్రల అసెంబ్లీ ఎన్నికల్లో ఇంతటి పరాజయం ఎదురయ్యేది కాదు. లోక్‌సభ ఎన్నికలు జరిగి ఆరు నెలలు కావస్తున్నా ఓటమి గురించి పార్టీలో ఇంత వరకూ సరైన చర్చ జరగలేదు. 2004 నుంచి 2014 వరకూ అధికారాన్ని అనుభవించిన నేతలు, నేడు ఎటుపోయారో అర్థం కాని పరిస్థితి

లోక్‌సభ ఎన్నికలలో ఘనవిజయం సాధించిన బిజెపి- ఆగస్టులో జరిగిన అనేక రాషా్ట్రల ఉప ఎన్నికలలో ఓడిపోయింది. అయినప్పటికీ పరాజయ భారంతో కుంగిపోకుండా తట్టుకొని నిలబడి- మహారాష్ట్ర, హర్యానా రాషా్ట్రలలో విజయం సాధించింది.

రాషా్ట్రల వారీగా చూస్తే- ఉమ్మడి ఆంధ్రప్రదేశ్‌లో పార్టీ అధికారం కోల్పోవడం స్వయంకృతమే. రాష్ట్ర విభజనపై సీమాంధ్ర ప్రజలకు కాంగ్రెస్‌ పార్టీపై కోపం ఉండటం సహజం. అయితే తెలంగాణ ఇచ్చి కూడా ఆ ప్రాంతంలో ఓడిన హీన చరిత్రనే కాంగ్రెస్‌ మిగుల్చుకుంది. తెలంగాణ ఇచ్చింది, తెచ్చింది తామే అంటూ కాంగ్రెస్‌ ఎన్ని గొప్పలు పోయినా, ఆ రాష్ట్రంలో పార్టీని ప్రతిపక్ష హోదాకే పరిమితం చేశారు. తమ త్యాగాల ఫలితంగానే- కాంగ్రెస్‌ తెలంగాణ ఇచ్చిందనీ, ఆ ఘనత తమదే అనీ అంటూ అధికారాన్ని తెలంగాణ రాష్ట్ర సమితి ఎగరేసుకుపోయింది. లోక్‌సభలో, నూతనంగా ఏర్పడిన శాసనసభలో, ఆ పార్టీకి దక్కింది నిండు సున్నా. అధికారం తమదేనంటూ, మొత్తం లోక్‌సభ సీట్లు గెలిచి సోనియాకు కానుగా ఇస్తామని బీరాలు పలికిన తెలంగాణ కాంగ్రెస్‌ నేతలు ఎక్కడున్నారో, పార్టీ కోసం ఏ మేరకు కృషి చేస్తున్నారో అర్థం కాని అయోమయ పరిస్థితి నెలకొన్నది.

తమిళనాడులో పార్టీ అధికారం కోల్పోయి దశాబ్దాలు గడుస్తున్నాయి.1967 తరువాత తమిళనాడులో ద్రావిడ పార్టీలదే రాజ్యం. అయితే డీఎంకే, కాదంటే అన్నాడీఎంకే తప్పితే జాతీయ పార్టీలు అయిన కాంగ్రెస్‌, బిజెపి అధికారాన్ని అందుకోలేని పరిస్థితి. కీలక నాయకుడు అయిన జి.కె. వాసన్‌ పార్టీ నుండి బయటకు వెళ్లి, తన తండ్రి జి.కె. మూపనార్‌ స్థాపించిన తమిళ మానిల కాంగ్రెస్‌ను తిరిగి ప్రారంభిస్తున్నట్లు చెప్పారు. ఆ రాష్ట్రంలో కాంగ్రెస్‌ దీన పరిస్థితికి ఈ సంఘటన అద్దం పడుతున్నది.

కర్ణాటక అసెంబ్లీ ఎన్నికల్లో గెలుపు బిజెపి వైఫల్యమే కానీ కాంగ్రెస్‌ ఘనత కాదని అర్థం అవుతున్నది. గత లోక్‌సభ ఎన్నికల్లో బిజెపి-17, జెడిఎస్‌-2, కాంగ్రెస్‌-9 స్థానాలు సాధించాయి. కాంగ్రెస్‌ అత్యధిక స్థానాలు సాధించిన రాష్ట్రం కర్ణాటక కావడం విశేషం.

ఉత్తరప్రదేశ్‌ సంగతి చెప్పనక్కర్లేదు, ఒకనాడు ఈ రాష్ట్రం కాంగ్రెస్‌కు కంచుకోట, ప్రధానమంత్రుల రాష్ట్రం అని చెప్పుకునే ఉత్తరప్రదేశ్‌లో కాంగ్రెస్‌ గెల్చింది కేవలం రెండే సీట్లు. అవి సోనియాగాంధీ, రాహుల్‌గాంధీ ప్రాతినిథ్యం వహించే రాయ్‌బరేలీ, అమేథీ. ఎస్పీ-5 స్థానాలు గెల్చుకుంటే, బీఎస్పీకి అదీ దక్కలేదు. సోనియా, రాహుల్‌ గెలుపు వెనుక సమాజ్‌వాది పార్టీ లోపాయికారీ ఒప్పందం ఉన్న అంశాన్ని విస్మరించరాదు.

బీహార్‌లో లోక్‌సభ ఎన్నికలలో కాంగ్రెస్‌, ఆర్‌జేడీ కూటమికి దక్కింది-6 స్థానాలు, నితీశ్‌ పార్టీ గెలుచుకున్నవి రెండు స్థానాలు. మోడీ దెబ్బకు అన్ని పార్టీలు ఏకమై బీహార్‌లో జరిగిన ఉపఎన్నికలలో మెరుగైన ఫలితాలు సాధించినా, ఇక్కడ కూడా కాంగ్రెస్‌ కంటే లాలు, నితీశ్‌లదే పై చేయి.

ఒరిస్సాలో నవీన్‌ పట్నాయక్‌దే రాజ్యం. ఆయన వరుసగా నాలుగోసారి అధికారం చేపట్టారు. మిత్రపక్షమైన బిజెపిని వదిలిన నవీన్‌ ఒంటరిగా బరిలోకి దిగి ఇటు అసెంబ్లీ, అటు లోక్‌సభ ఎన్నికల్లో మెరుగైన ఫలితాలు సాధించారు.

పశ్చిమబెంగాల్‌లో ఇప్పటికీ మమతదే రాజ్యం. అసెంబ్లీ ఎన్నికలలో మొదలైన తృణమూల్‌ జైత్రయాత్ర, గత లోక్‌సభ ఎన్నికలలోను కొనసాగింది. ఈ రాష్ట్రంలో బిజెపి తొలిసారి కాలుమోపింది. ఇక్కడ కాంగ్రెస్‌-4, బిజెపి-2, తృణమూల్‌ కాంగ్రెస్‌-34, కమ్యూనిస్టులు-2 స్థానాలు గెలుచుకున్నారు. ఇక్కడ సీపీఎం బలహీనపడటం జాతీయ స్థాయిలో కాంగ్రెస్‌కు పెద్ద దెబ్బ అని చెప్పాలి.

త్వరలో ఎన్నికలు జరగబోయే ఢిల్లీపై కూడా కాంగ్రెస్‌ నాయకత్వానికి పెద్దగా ఆశలు లేవు. గత లోక్‌సభ ఎన్నికలలో బిజెపి మొత్తం ఏడు స్థానాలను గెలుచుకుంది.

రాజస్థాన్‌, మధ్యప్రదేశ్‌, ఛత్తీస్‌ఘడ్‌ వంటి రాషా్ట్రలు బిజెపి కంచుకోటలుగా మారాయి. మధ్యప్రదేశ్‌లో జ్యోతిరాదిత్య సింధియా పార్టీ పునర్వైభవం కోసం ఒంటరి పోరు సాగిస్తున్నా, ఫలించే సూచనలు కనిపించడం లేదు.

కాంగ్రెస్‌కి అత్యంత కీలక రాష్ట్రం అనదగిన మహారాష్ట్ర చేజారిపోయింది. మరో వైపు మిత్ర పక్షమైన ఎన్సీపి కాంగ్రెస్‌ను వదిలింది. దేశానికి ఆర్థిక రాజధాని అనదగిన ముంబాయిని కోల్పోవడం కాంగ్రెస్‌ చాలా నష్టం. సోనియా అల్లుడు రాబర్ట్‌వాద్రాపై వచ్చిన ఆరోపణలు కాంగ్రెస్‌ను నిలువునా ముంచాయి. హర్యానా, మహారాష్ట్ర ఎన్నికల్లో పరాజయం ఖాయమని గత లోక్‌సభ ఎన్నికల్లో తేలిపోయింది. అసెంబ్లీ ఎన్నికల్లో పరాజయంతో ఓటమి సంపూర్ణమైంది.

కాంగ్రెస్‌కు బలం, బలహీనత గాంధీ కుటుంబమే. విధిలేని పరిస్థితులలో సోనియాగాంధీ కాంగ్రెస్‌ నాయకత్వాన్ని చేపట్టారు. అన్నీ తానై ముందుకు నడిపించారు. రాజీవ్‌ మరణానంతరం పార్టీ అధ్యక్ష పదవి చేపట్టాలని గాని, 2004, 2009 ఎన్నికలలో గెలుపు తరువాత ప్రధానమంత్రి పదవి చేపట్టాలని గాని సోనియా ఏనాడూ తొందరపడలేదు.

ఆమె సారథ్యంలోనే 1998, 1999, 2004, 2009 ఎన్నికలు జరిగాయి. పి.వి. నరసింహారావు సారథ్యం వహించిన 1996 ఎన్నికల్లో కాంగ్రెస్‌కు లభించింది 140 స్థానాలు. సోనియా సారథ్యం వహించిన 1999 ఎన్నికల్లో కాంగ్రెస్‌కు దక్కినవి కేవలం-114 స్థానాలు. అప్పటికి అవే తక్కువ అనుకుంటే 2014 ఎన్నికల్లో కాంగ్రెస్‌కు దక్కినవి -44 స్థానాలు. అంటే కనీసం ప్రతిపక్ష హోదా సైతం దక్కని పరిస్థితి పార్టీ శ్రేణులను కుంగదీసింది. పండిట్‌ నెహ్రూ నాయకత్వంలో సోషలిస్టు విధానాలు ప్రారంభించిన పార్టీ, పి.వి. సారథ్యంలో లిబర్‌లైజేషన్‌, గ్లోబలైజేషన్‌, ప్రైవేటైజేషన్‌ విధానాలు ప్రారంభించిన పార్టీ కాంగ్రెస్‌. అయితే తాను ప్రారంభించిన విధానాలపై కాంగ్రెస్‌ పార్టీకే స్పష్టత లేదు.

1996, 1998 ఎన్నికల్లో ఓటమి తరువాత బిజెపి వ్యూహాన్ని మార్చింది. 1999 ఎన్నికల నాటికి మిత్రపక్షాల సహాయంతో అధికారంలోకి వచ్చింది. శివసేన, అకాలీదళ్‌, బిజెడి (అప్పట్లో) వంటి పార్టీలు బిజెపికి అండ‚గా నిలిచాయి. ఇదే వ్యూహాన్ని కాంగ్రెస్‌ 2004 ఎన్నికల్లో అనుసరించింది. పెద్ద పార్టీ అనే భేషజాన్ని వదిలి లౌకిక పార్టీలను కలుపుకొని యూపీఏగా అవతరించింది. 2004, 2009 ఎన్నికల్లో కాంగ్రెస్‌ సాధించినవి వరుసగా-145, 206 స్థానాలు. మిత్ర పక్షాల సహాయంతో పదేళ్లపాటు జాతీయ రాజకీయాల్లో చక్రంతిప్పింది కాంగ్రెస్‌ పార్టీ. కొంత మంది- ప్రియాంకా రాజకీయాల్లోకి రావాలని కోరుతున్నారు. అంటే కాంగ్రెస్‌ అంటే- గాంధీ కుటుంబమే, పార్టీని నడిపించాల్సింది ఆ కుటుంబ సభ్యులే తప్ప 128 ఏళ్ల కాంగ్రెస్‌లో పార్టీని నడిపించే నేతలే కరవయ్యారు.

కాంగ్రెస్‌ లో మాధవరావు సింధియా, రాజేష్‌పైలెట్‌, వై.ఎస్‌. రాజశేఖర్‌రెడ్డి వంటి నేతల అకాల మరణం కాంగ్రెస్‌కి తీరని నష్టం కలిగించింది వీరందరూ ఓటమి ఎరుగని నేతలు. సోనియాగాంధీకి అండగా నిలిచిన నేతలు. మాధవరావు సింధియా మధ్యప్రదేశ్‌లో తిరుగులేని నేత. గుణ, గ్వాలియర్‌ నియోజకవర్గాలు ఆయనకు కంచుకోటలు. మధ్యప్రదేశ్‌ వికాస్‌ కాంగ్రెస్‌ పార్టీ-ని స్థాపించినా అది పి.వి పై కోపంతోనే కాని, కాంగ్రెస్‌పై కోపంతో కాదు. ఆంధ్రప్రదేశ్‌ కాంగ్రెస్‌ పార్టీలో తిరుగులేని నాయకుడు వై.ఎస్‌.ఆర్‌. 2004, 2009 ఎన్నికల్లో కాంగ్రెస్‌ అధికారంలోకి రావడానికి కారణం ఆంధ్రప్రదేశ్‌లో కాంగ్రెస్‌ గెలిచిన లోక్‌సభ సీట్లే కారణమని చెప్పాలి. అటువంటిది ఆయన మరణానంతరం, ఆయన కుటుంబాన్ని ఇబ్బంది పెట్టారని, ఆయన తనయుడు జగన్మోహన్‌ రెడ్డిని పొమ్మనకుండా పొగ బెట్టారనే భావన కాంగ్రెస్‌ పార్టీకి నష్టం కలుగజేసింది. ఈ పరిణామం ఆంధ్రప్రదేశ్‌లో కాంగ్రెస్‌ పతనానికి దారి తీసింది. నమ్మకమైన మిత్రులను కోల్పోవడం, ఉన్న మిత్రులు పరాజయం పాలవ్వడం, రాషా్ట్రల్లో రాజకీయాలను శాసించే కీల నాయకులు లేకపోవడం- కాంగ్రెస్‌ పతనానికి ప్రధాన కారణాలు.

గత ఎన్నికల్లో తొలిసారిగా ఓటర్లుగా నమోదు అయిన వారు మోడీ నాయకత్వానికి ఆకర్షితులయ్యారు. ఒక వైపు వరుస విజయాలతో బిజెపి దూసుకువెళ్తుంటే, మరో వైపు ఏ వ్యూహంతో ముందుకు వెళ్లాలో తెలియని అయోమయ పరిస్థితి కాంగ్రెస్‌లో నెలకొన్నది. సీనియర్‌ నాయకుల మధ్య కుమ్ములాటలు, అవినీతి కుంభకోణాలు, వారసత్వ రాజకీయాలు పార్టీని ముంచాయి. ఇప్పటికైనా పార్టీ ఓటమిపై ఆత్మ విమర్శ జరిగిందా అంటే- జరగలేదని చెప్పాలి. రాషా్ట్రల్లో విలువలేని కాంగ్రెస్‌ నేతలు కేంద్ర స్థాయిలో పార్టీలో పదవులు సంపాదిస్తున్నారు. ఓట్లు సంపాదించలేని ఈ నేతలతో పార్టీకి ఎటువంటి ప్రయోజనం లేదు.

రాహుల్‌ 2004 ఎన్నికలలో అడుగు పెట్టింది మొదలు నేటికీ ఇంకా రాజకీయాలను అధ్యయనం చేస్తూనే ఉన్నారు. ఈ అధ్యయనం ఎప్పటికి పూర్తవుతుందో తెలియదు. ఆయన గురువు , డిగ్గీ రాజా అని పిలిచే దిగ్విజయ్‌సింగ్‌ రాహుల్‌కి ఏం బోధిస్తున్నారో అంతకన్నా తెలియదు. రాహుల్‌ యంగ్‌ టీమ్‌ ఏం చేస్తోందో, ఆయనకు ఎటువంటి సలహాలు ఇస్తోందో ఎవరికీ తెలియని చిదంబర రహస్యం. ప్రజల్లో పలుకుబడిలేని నేతలను, సీనియర్‌ బ్యూరోక్రాట్‌లను తన టీమ్‌లో చేర్చుకొని ఏం సాధిస్తారో రాహుల్‌కే తెలియాలి. మాకు మోడీ- మరి మీకు? అని బిజెపి గత ఎన్నికల్లో వేసిన ప్రశ్నకు కాంగ్రెస్‌ దగ్గర నేటికీ సమాధానం లేదు. తమ నాయకుడు రాహుల్‌ అని చెప్పుకోలేని పరిస్థితులలో కాంగ్రెస్‌ పార్టీ ఉందంటే అంతకంటె దయనీయమైన పరిస్థితి మరొకటి ఉండదు. మహారాష్ట్ర, హర్యానా ఎన్నికలైనా, జమ్ము- కాశ్మీర్‌, జార్ఖండ్‌ ఎన్నికలైనా రాహుల్‌ గాంధీవి అవే అవే ప్రసంగాలు, అతి పేలవంగా సాగుతున్నాయి. ఒక వైపు మోడీ- అమిత్‌ షా ద్వయం వ్యూహ ప్రతి వ్యూహాలతో ఎన్నికల రణ రంగంలో దూసుకుపోతుంటే కాంగ్రెస్‌ దిక్కులు చూస్తున్నది.

జాతీయ స్థాయిలో కాంగ్రెస్‌ పాత్ర తగ్గిపోవడం వరుస పరాజయాలతో కుంగిపోవడం బిజెపి పాలనను నియంతృత్వానికి దారితీసే ప్రమాదం వుంది. ఎప్పుడైతే నియంతృత్వం, వ్యక్తి పూజ మొదలవుతుందో అది ప్రజాస్వామ్యానికి మంచిదికాదు. జాతీయస్థాయిలో వామపక్షాలు కాంగ్రెస్‌కు మద్దతు ఇచ్చాయంటే ఆ పార్టీకి ఉన్న లౌకిక స్వభావమే ప్రధాన కారణం. వరుస విజయాలతో ఎన్నికలలో జైత్రయాత్ర సాగిస్తున్న మోడీ కత్తికి ఎదురుండకూడదని కోరుకోవడం ప్రజాస్వామ్యానికే ప్రమాదం . బిజెపి ఇంకా హిందుత్వ పిడివాదాన్ని వీడలేదని రాషా్ట్రల్లో ఆ పార్టీ ఎంపిక చేసిన ముఖ్యమంత్రుల ఎంపిక తీరు చెబుతున్నది. ఇక ఆర్థిక విధానాల్లో కాంగ్రెస్‌కు, బిజెపికి పెద్దగా తేడా లేదు. ప్రతి పక్షాలు అన్నీ ఏకమైతే బీహార్లో జరిగిన ఉప ఎన్నికల్లో ఎదురైన అనుభవమే బిజెపికి ఇతర చోట్ల ఎదురు కావచ్చు. సమర్థులైన నేతలను ప్రోత్సహించడం, రాష్ట్ర స్థాయిలో నాయకులకు స్వేచ్ఛను ఇవ్వడం, పార్టీ శ్రేణులకు ఎల్లవేళలా అండగా నిలవడం, నమ్మకమైన మిత్రులను సంపాదించడం, ఉన్న మిత్రులను కాపాడుకోవడం, బిజెపి అనుసరించే ప్రజా వ్యతిరేక విధానాలను ఎండగట్టడం, మొక్కవోని ఆత్మవిశ్వాసంతో పార్టీశ్రేణులను నడిపించడం- ఇవి కాంగ్రెస్‌ పార్టీ ముందున్న తక్షణ కర్తవ్యాలు.

నాయకత్వ మార్పు అనేది అర్థంలేని అంశం, నాయకత్వ బాధ్యతలు ప్రియాంక స్వీకరించినా, ఇవే సవాళ్లు ఆమెకూ ఎదురవుతాయి.గెలుపు ఓటములు సహజమని భావించాలే కాని ప్రియాంక వచ్చినంత మాత్రాన పరిస్థితి మెరుగవుతుందనుకోవడం భ్రమ. అసలు రాజకీయాలే వద్దనుకున్న సోనియా అనివార్యంగానైనా కాంగ్రెస్‌ నాయకత్వ బాధ్యతలు స్వీకరించారు. పార్టీ రెండు సార్లు ఓటమి పాలైనా 2004, 2009 ఎన్నికలలో విజయపథంలో నడిపించారు. దేశంలోని అత్యంత శక్తిమంతమైన మహిళా నాయకురాలిగా ఎదిగారు. నాయకత్వ లక్షణాలు లేనప్పుడు ఇవన్నీ ఎలా సాధ్యమవుతాయి? 2019 నాటికి పార్టీని ఎన్నికలకు సిద్ధం చేయవలసిన బాధ్యత సోనియాగాంధీ పైనే ఉన్నది. డీలా పడ్డ పార్టీ శ్రేణులకు ఉత్సాహం కల్పించాల్సిన బాధ్యత సోనియాగాంధీ ముందున్న తక్షణ కర్తవ్యం.

చతికిలపడిపోయిన కాంగ్రెస్ సర్వశక్తులనూ కూడదీసుకుని లేచి నిలబడి సమర్ధవంతమైన ప్రతిపక్ష బాధ్యతలు స్వీకరించడం ప్రజాప్రయోజనాల రీత్యా ఎంతైనా అవసరం

నిశ్శబ్దానికీ మౌనానికీ తేడా!


నిశ్శబ్దానికీ, మౌనానికీ తేడా చాలా ఏళ్ళక్రితం బాపూగారిని చూసినపుడు అర్ధమైంది. మౌనం మహాసాధన అనీ, గొప్ప సంస్కారమనీ, ఉన్నతమైన జీవన విధానమనీ ఇవాళ బాపూగారి అబ్బాయి వెంకట రమణగారిని చూశాక అర్ధమైంది.

వెండితెరమీద బాపూగారు చిత్రీకరించిన గోదావరి డెల్టా అందాలను చూడటానికి వెంకటరమణ గారు, వారి అక్క శ్రీమతి భానుమతి గారూ సకుటుంబాలుగా కోనసీమలో పర్యటిస్తున్నారు. కొత్తపేటలో బాపూ గారి విగ్రహం చెక్కుతున్న వడయార్ గారి స్టూడియోకి వారందరూ వచ్చారు. అదేసమయానికి కీర్తిశేషులు గన్ని సత్యనారాయణ మూర్తిగారి విగ్రహాన్ని చూడటానికి వెళ్ళిన గన్నికృష్ణ గారితో పాటు నేనూ వున్నాను. వెంకట రమణ గారికీ, కృష్ణగారికీ మధ్య క్లుప్తంగా జరిగిన సంభాషణను విన్నాను. వెంకట రమణగారు చెన్నైలో బిజినెస్ కన్సల్టెంటు.

వెంకటరమణ గారి సమాధానాల్లో అనవసరమైన అక్షరం ఒక్కటికూడా లేదు. ఏమాత్రం అస్పష్టతలేదు. కొంచెంకూడా ఆడంబరం లేదు. హడావిడి, పటాటోపాలకు అతీతమైన సాదాసీదాతనం వ్యక్తిత్వంలో పరిపూర్ణత వల్లే సాధ్యమనిపించింది.

లోకంలో ఏదిచూసినా అందులో తనే కనబడటం పరిపూర్ణత్వం. రాగద్వేషాలు అంటని మనుషులకే ఇది సాధ్యమౌతుందేమో! అలాంటి వారిలో అలజడులు లేని ప్రశాంతత ఒక అద్భుతమనిపిస్తుంది. సంతృప్తిగా వుండే జీవన దృక్పధమే ఈ అద్భుతానికి మూలమని అర్ధమైంది.

నాతో ఏమీ మాట్లాడకుండానే నాకు ఇంత రియలైజేషన్ ఇచ్చిన బాపూగారి అబ్బాయి వెంకటరమణ గారికి ధన్యవాదాలు

IMG_0567.JPG

IMG_1607.JPG

పండిన సార్వావరిని మెత్తగా కోసుకోడానికే మంచు కురుస్తూందేమో!


ఏపనైనా కాంటా్రక్టే అనేటంతగా చేనుకీ రైతుకీ రైతుకూలీకీ మధ్య జీవనవిధానం రూపాయల బంధంగా మారిపోయింది. కోతకోసి, పనలుకట్టి, కుప్పవేసి, నూర్చి, తూర్పారబట్టి, సంచులకెత్తి, ధాన్యాన్ని ఒబ్బిడి చేసే పనుల్లో శ్రీకాకుళం జిల్లానుంచి వచ్చిన కూలీలే ఎక్కువగా వున్నారు. ఇతరవ్యాపకాలకు తరలిపోతూండటంవల్ల గోదావరి తూర్పు డెల్టాలో వ్యవసాయకూలీల కొరత ఏటేటా పెరిగిపోతోంది.

దాదాపు ఐదులక్షల ఎకరాల్లో వేసిననాట్లలో జూలైవానలకు నలభైశాతం పోతే మళ్ళీవేశారు, ‘నెలతక్కువపైరు’ లో 60 శాతం సెప్టంబరు వానలకు కుళ్ళిపోయింది.అప్పుడు మిగిలిన పైరు పంటై ఇపుడుకోతకు వచ్చింది. 1030 రూపాయల మద్ధతు ధర ప్రకటించినా 730 కి మించి ధర రైతుచేతి కందడమే లేదు.

వరికోతలు image చదువుకున్న రైతమ్మ image image image image image image తూరపారబట్టడం image తూరపారబట్టడం image image వరికోతలు తూరపారబట్టడం image image image పండిన ధాన్యం తూరపారబట్టడం వరికోతలు

చేతులతో కాదు, చూపులతో పట్టుకోగలిగేదే అందం!


చేతులతో తాకగలిగేది మోహం కావచ్చేమోకాని, చూపులతో పట్టుకోగలిగేదే అందం…అందుకేనేమో నాకు ప్రయాణమంటే పట్టరాని సంబరం…ఎందుకంటే అందమైన అనుభూతులతో తిరిగిరావడం, ఏదో కొత్త జీవ చైతన్యాన్ని ఇంకింపచేసుకోవడం బయటకు వెళ్ళకపోతే కుదరవుకదా?

ద్రాక్షారామ లో వివాహనిశ్చితార్ధానికి తప్పక రావాలని జక్కంపూడి రాజా (దివంగత ప్రజానాయకుడు జక్కంపూడి రామమోహనరావుగారి పెద్దబ్బాయి రాజా ఇంద్ర వందిత్) స్వయంగా పిలిచినపుడే వెళ్ళాలని దాదాపుగా నిర్ణయించుకున్నాను. ఇతిహాసాలమీద మమకారం వల్లో ఏమో ద్రాక్షారామ’మంటేనే లోపల ఒక ఇష్టం మెదులుతుంది మరి.

శివుడి 18 మహా క్షేత్రాల్లో ద్రాక్షారామ ఒకటన్న నమ్మకం వయసు కనీసం 15 వందల సంవత్సరాలయితే, అప్పటి శిల్పకళా వైభవం తూర్పు చాళుక్యుల నాగరికతా, వికాసాలకు ఇప్పటికీ ప్రత్యక్షసాక్షిగా వుందన్న ఆలోచన బాగుంది. అప్పటి సమాజదృశ్యం ఎలా వుండేదో ఊహిద్దామంటే ఎలా ప్రారంభించాలో తట్టలేదు.

కారు కాకినాడ కాల్వరోడ్డులో ప్రయాణిస్తూండగా ‘నీరుపల్లమెరుగు’ అంటే మహాజ్ఞానమని అర్ధమైంది. తెలిసిన విషయాల్ని అన్వయించుకుని జీవితాలను సఫలం చేసుకోవడమే జ్ఞానం. అనుకూల పరిస్ధితులను వెతుక్కుంటూ వలసలో జైత్రయాత్రలో చేసిన వివేకవంతులైన సాహసులవల్లే జాతులు విస్తరించాయి.వికసించాయి. అలా గోదావరి తూర్పుగట్టున తూర్పు చాళుక్యులు కనిపెట్టిన ద్రాక్షారామ కు వెళుతున్నామన్న భావన మరోసారి ఉత్సుకతను రేపింది.

పట్టని/నిండిన చోటునుంచి తొలగిపోడానికి నేలమీద నీరు ఏర్పరచుకున్న జాలు కాలక్రమంలో పశువులకు పుంతై, మనుషులకు దారై వర్షాకాలంలో పెద్ద అసౌకర్యమై, కాటన్ దొర చేతిలో గ్రావిటేషన్ కెనాలై, పర్యవేక్షణా నిర్వహణా యంత్రాంగాలకు రహదారులైన కాలక్రమంలో అందరికీ తార్రోడ్డయిన కాల్వగట్టు మీద గన్నికృష్ణ గారి కారులో ప్రయాణం హుషారనిపించింది.ఆయన అనుచరులు బాలనాగేశ్వరరావు, వెంకటరాజు గార్లు కూడా ఈ ప్రయాణంలో వున్నారు.

నీళ్ళు పచ్చని చెట్లు చాలాచోట్ల కోతలైపోయిన చేలు, ఇటుకల బట్టీలు, కలప అడితులు…దారిపొడవునా ఇవేదృశ్యాలు

నిశ్చితార్ధ వేదిక తూర్పుగోదావరి జిల్లా లో అతిముఖ్యుల తో కిక్కిరిసిపోయింది. రాజాను కలిసి అభినందించి తిరుగుప్రయాణం కాగానే వీరిభోజనాల సంగతి చూడాలని ఒకర్ని పురమాయించారు. మొగమాట పడకండి ‘మాటొచ్చేద్ది’అని ఇంకో పెద్దమనిషి హెచ్చరించారు. ఈజిల్లా యాస, తినకుండా వెళ్ళనిచ్చేదిలేదన్న కటువైన అభిమానం మాటొచ్చేద్ది అనేమాటలో వున్నాయి.

ద్రాక్షారామలో గొప్ప పాకశాస్త్ర ప్రవీణులున్నారు. మాంసాహార వంటకాల్లో వీరి ఖ్యాతి రాష్ట్రమంతటికీ పాకింది. నేను కేవలం శాఖాహారినే. ఏ ఆహారమైనా సరే వంటవారు తమ ప్రతిభను చాటుకోడానికో అత్యుత్సాహంవల్లో రుచులను కలగాపులగంచేసి వంటలు పాడుచేయడం పెరిగిపోతోందన్నది నా అభియోగం. అయితే ఈ వంటలో రుచులను యధాతధంగా వుంచి పండించారు. మొత్తం ఏంబియన్స్ కోసం స్ధానికంగా వున్న వనరులనే తప్ప బయటి వాటిని తెప్పించకపోవడం ఒక విశేషం. గ్రామీణ స్త్రీలలో మేకప్/మేకోవర్ , గ్రామీణ పురుషులలో ఖరీదుల్ని చూపుకోవాలన్న సృ్పహలు బాగా పెరిగాయని వందలమంది హాజరైన ఈ వేడుకలో అర్ధమైంది.

మధ్యతరగతి వర్గాల కొనుగోలు శక్తులు పెరగి కార్లు పెరగడం వల్ల కూడా రామచంద్రాపురం డివిజన్ లో సింగిల్ రోడ్లు ఇరుకై టా్రఫిక్ జాములు తప్పడంలేదు. రోడ్డు వైడనింగ్ కూడా అక్కడక్కడా జరుగుతూనే వుంది.

రామచంద్రాపురంలో గమ్మత్తయిన రుచితో కిళ్ళీలు చుట్టే శ్రీరాజాపాన్ షాప్ ఏసీనూలేనంత నిరాడంబరంగావుంది. ఊరినే పేరులో ఇముడ్చుకున్న తాపేశ్వరం కాజా దొరికే ‘సురుచి’ వ్యాపార వైభవం దాయాదిపోరులో ఏనాడో జయించింది.

వీటన్నిటికీ మించి నీలిశూన్యంలో పరిమళాలు అల్లుతున్న గాలి నన్నుతాకడం గొప్ప అనుభవం…ఒక్కడినే అయిన నాలో వున్న నీటినీ,నేలనీ,గాలినీ,నిప్పునీ, ఆకాశాన్నీ…మూడుగదుల ఇల్లుదాటి స్వచ్ఛమైన ఒక ‘స్పేస్’లోకి రాగానే పంచభూతాలు పలకరించడమే నా ఆనందోద్వేగమనీ అనుభవయ్యింది.

రాజా పెళ్ళినిశ్చితార్ధానికి 7/12/2014 ఆదివారం మధ్యాహ్నం బయలుదేరి అదేసాయంత్రం తిరిగి వచ్చాక ఏర్పడిన ఈ భావోదయం ముప్పైగంటల తరువాత కూడా వెలుగుదారేమో అన్నట్టువుంది

IMG_1477.JPG

IMG_1479.JPG

IMG_1482.JPG

IMG_1485.JPG

గిరిజన జీవన సమాధిపై పోల’వరం’


పోలవరం బహుళార్ధ సాధక నీటిపారుదల పథకాన్ని కేంద్రమే చేపట్టి అమలు చేయాలని రాష్ట్ర విభజన బిల్లులో స్పష్టంగా పేర్కొనడంతో ప్రాజెక్టు అమలు బాధ్యత ఇప్పుడు కేంద్ర ప్రభుత్వంపై పడింది. అధికారం చేపట్టిప్పటి నుండి ముఖ్యమంత్రి యన్ చంద్రబాబు నాయుడు ఈ ప్రాజెక్టు సత్వరమే పూర్తి కానున్నట్లు ప్రకటిస్తున్నారు. వచ్చే ఎన్నికలలోగా ఈ ప్రాజెక్టు నిర్మాణం చాలా వరకు పూర్తి చేసి తమ ప్రభుత్వం సాధించిన ఘన విజయంగా ప్రజల ముందు ఉంచాలనే ప్రయత్నం చేస్తున్నారు.

ఈ విషయంలో ముఖ్యమంత్రి రాజకీయ ప్రయోజనాలకోసం ఇస్తున్న ప్రాధాన్యతను- ఇందులో ఇమిడి ఉన్న గిరిజనుల సామాజిక స్థితిగతులు, రాగల న్యాయపరమైన ఇతర సమస్యల పరిష్కారం పట్ల చూపడం లేదు. గతంలో వై యస్ రాజశేఖర రెడ్డి ప్రభుత్వం ఈ ప్రాజెక్టు పై సుప్రీం కోర్టు నుండి అవరోధాలను అధిగామించినట్లు భావిస్తున్నా సుప్రీం కోర్టు కొన్ని షరతులు విధించిందని గమనించడం లేదు.

పోలవరం ప్రాజెక్టు నిర్మాణం కోసం- ముంపునకు గురయ్యే ఏడు మండలాలు తెలంగాణ రాషా్టన్రికి చెందినవి కావడంతో, భవిష్యత్తులో రాగల అంతర్ రాష్ట్ర వివాదాలను ఊహించి, ఆ ఏడు మండలాలను ఆంధ్ర ప్రదేశ్ కు బదిలీచేస్తూ నరేంద్ర మోడీ ప్రభుత్వం ఒక ఆర్డినెన్సు ద్వారా నిర్ణయం తీసుకోవడం- తెలంగాణ రాష్ట్రం నుండి తీవ్ర ప్రతిఘటనకు దారి తీసింది. పోలవరం ఆనకట్ట ఎత్తు తగ్గించి ముంపు ప్రమాదాలను తగ్గించి ఈ ప్రాజెక్టు ను అమలు చేయాలని తెలంగాణ ప్రభుత్వం చేసిన డిమాండ్ను కేంద్రం పట్టించుకోలేనే లేదు.

మొత్తం మీద పోలవరం ప్రాజెక్టు నిర్మాణం రెండు రాష్ట్ర ప్రభుత్వాల మధ్య వివాదాంశంగా, రాజకీయ వివాదంగా మారింది. గతంలో ఆంధ్ర ప్రదేశ్, మధ్య ప్రదేశ్, ఒడిషా ముఖ్యమంత్రుల సమష్ఠి ఆమోదం తో ఈ ప్రాజెక్టు పనులు ప్రారంభం అయినా, ఇప్పుడు ఆంధ్ర ప్రదేశ్ మినహా ఒడిషా, చత్తిస్గఢ్, తెలంగాణ రాష్ట్ర ప్రభుత్వాల నుండి తీవ్ర అభ్యంతరాలు వ్యక్తం అవుతున్నాయి. వాటిని పట్టించుకొనే, పరిష్కరించే ప్రయత్నం జరగడం లేదు. ఈ సందర్భంగా ముంపునకు గురవుతున్న గిరిజనులు, వారి మనోభావాలు, వారి జీవనాలపై చూపగల ప్రభావాల గురించి ఎవరూ పట్టించుకోక పోవడం విచారకరం. ఇటువంటి ప్రాజెక్టు లు చేపట్టడానికి రాజ్యాంగమే కొన్ని నిర్దిష్ఠ విధానాలు నిర్ణయించింది. ముఖ్యంగా అటవీ ప్రాంతాలల్లో నివసించే గిరిజనులకు గల రాజ్యంగపర హక్కులను దృష్టిలో ఉంచుకొని ప్రభుతం వ్యవహరించ వలసి ఉన్నది. అయితే రాజకీయ లక్ష్యాలే గాని గిరిజనుల మనోభావాల గురించి ప్రభుత్వాలు, రాజకీయ పక్షాలు పట్టించుకోక పోవడం దురదృష్టకరం.

ఆంధ్ర ప్రదేశ్, తెలంగాణ రాషా్ట్రల్లో ప్రస్తుతం ప్రతిపాదనలలలో ఉన్న వివిధ సాగునీటి పథకాలు అమలు చేయాలి అంటే, సుమారు ఇదు లక్షల మంది గిరిజనులు నిరాశ్రాయులు అవుతారని ఈ సందర్భంగా గమించాలి. పోలవరం ప్రాంతంలోనే రెండు లక్షల మందికి పైగా గిరిజనులన్నారు. 2001 నాటి జనాభా లెక్కల ప్రకారం అంచనా వేసిన గిరిజనుల వివరాలనే ఇప్పుడు ప్రస్తావిస్తున్నారు.13 ఏళ్ళు గడిచాక ప్రస్తుతం వివిధ ప్రాజెక్టు ల ప్రతిపాదిత ప్రదేశాల్లో ఎంత మంది గిరిజనులు ఉన్నారు, వారి ఉపాధి, తదితర పరిస్థితులు ఏమిటి అనే అంశంపై ఖచ్చితమైన వివరాలు లేవు.

పోలవరం ప్రాజెక్టు నిర్మాణాన్ని వ్యతిరేకిస్తున్నవారు సహితం గిరిజనులను అడ్డు పెట్టుకొని తమ ప్రయోజనాలు కాపాడు కోవాలనే ప్రయత్నాలు చేస్తున్నారు గాని గిరిజనుల ప్రయోజనాలు కాపాడాలని మాత్రం కాదని అర్ధం అవుతున్నది. ముఖ్యంగా ప్రస్తుతం తమకు లభిస్తున్న రాజ్యంగపరమైన హక్కులను పునరావాసం పేరుతో అపహరించే ప్రయత్నం జరుగుతున్నదనే భయాందోళనలు గిరిజనులల్లో వ్యక్తం అవుతున్నాయి. ఈ విషయమై ఖచ్చితమైన హామీలను ప్రభుత్వం ఇవ్వలేక పోతున్నది.

అయితే ప్రస్తుతం పోలవరం ప్రాజెక్టు నిర్మాణం ఆపివేయాలని ఉన్నత న్యాయస్థానాల నుండి ఎటువంటి ఆదేశాలు లేనందున, న్యాయపరమైన అడ్డంకులు లేవని, నిధులు ఉంటే చాలు, వెంటనే అమలు చేయవచ్చని కేంద్ర, రాష్ట్ర ప్రభుత్వాలు భావిస్తున్నట్లు కనబడుతున్నది. అయితే అభివృద్ధి విధానాల దిశను గాని, వాటి బాగోగులను గాని నిర్ణయించడానికి న్యాయస్థానాలు తగిన వేదికలు కావని సుప్రీం కోర్టు నర్మదా, బాల్కో కేసుల్లో స్పష్టం చేయడాన్ని ఈ సందర్భంగా పరిగణలోకి తీసుకోవాలి. అయితే ఈ అత్యున్నత న్యాయస్థానమే నదుల అనుసంధానంపై ప్రభుత్వాన్ని ఒప్పించే ప్రయత్నం చేయడం మరో అంశం. ముంపు ప్రాంతాలు, ఆనకట్టల ఎత్తులు, ఇతర సాంకేతిక అంశాలపై ప్రభుత్వాలలోనే కాకుండా ఇంజినీర్లలో సహితం భిన్నాభిప్రాయాలు ఉన్నాయన్నది నిర్వివాదాంశం. ఒక ప్రాజెక్టు ను వ్యతిరేకించే రాజకీయ పార్టీలు, ప్రభుత్వాలు అంతకన్నా తీవ్రమైన సమస్యలున్న ఇతర ప్రాజెక్టుల విషయంలో ఆసక్తిగా ఉండటాన్ని గమనిస్తున్నాము.

అసలు వీటి వల్లన సర్వం కోల్పోతున్న గిరిజనుల గురించి పట్టించుకోవడం లేదు. పునరావాసం, ఉపాధి వంటి అంశాల్లో గిరిజనుల, మైదానప్రాంత ప్రజల సమస్యలు ఒకే విధంగా ఉండవని మరచిపోకూడదు.

మైదాన ప్రాంత ప్రజలు నిత్యం పలు ప్రాంతాలకు వెడుతుండడం, ఉపాధి కోసం సుదూర ప్రాంతాలకు సహితం వెళ్ళగలగడం సర్వసాధారణం. అయితే గిరిజనులు ఒక గుహలో ఉన్నవారి వలె మైదాన ప్రాంతాలల్లో స్వేచ్ఛగా సంచరించలేరు. అక్కడ గల ప్రజలతో, వాతావరణంతో, సం„స్కృతి సంప్రదాయాలతో తేలికగా మమేకం కాలేరు. అందు వల్ల ఉన్న ప్రాంతం నుండి వలస వెళ్ళాలి అంటే వారికి జీవన్మరణ సమస్య కానున్నది. తమ నివాస ప్రాంతం ముంపుకు గురవుతుంది అంటే వారు తీవ్ర భయభ్రాంతులకు గురవుతున్నారు.

వారికి ప్రభుత్వం ఎన్ని ఘనమైన పునరావాస పథకాలు చెబుతున్నా, వారి పేరుతో ప్రభుత్వం ఇచ్చే అత్యధిక సదుపాయాలను గిరిజనేతరులే కైవసం చేసుకోవడం జరుగుతున్నది. ఎందుకంటే, వారికి తమకు గల భూమిపై స్పష్టమైన హక్కు పత్రాలు ఉండవు. వారిలో అత్యధికులు స్థిరమైన ఆస్తులు ఉన్నవారు కాదు. ఇతరుల వలె వారు వివిధ పత్రాలు సేకరించి ప్రభుత్వం ఇవ్వచూపిన పరిహారాలను పూర్తిగా తీసుకోలేరు. అటువంటి నకిలీ పత్రాలను సృష్టించి గిరిజనుల పేరుతో ఇతరులు కైవసం చేసుకోవడం నేడు చాలా చోట్ల జరుగుతున్నది. పోలవరం పరిసరాలలో ఇప్పటికే కొన్ని ప్రాంతాలల్లో ప్రజలను ఖాళీ చేయించి పునరావాసం కల్పించారు. వారిలో ఎందరికి న్యాయంగా తగు పరిహారాలు లభించాయి, గౌరవనీయమైన ప్రత్యామ్నా్యయ వృత్తులు లభించాయి అనే అంశంపై ఒక అధ్యనయం చేస్తే గానీ వాస్తవాలు వెలుగులోకి రావు. అటువంటి ప్రయత్నాలు జరగడం లేదు. తర తరాలుగా కొనసాగుతున్న గిరిజన సముదాయాలను క్రోడీకరించి, వాటి కొనసాగింపుకు ప్రభుత్వం చట్టబద్ధ ప్రకటన చేయకుండా పోలవరం ఆనకట్ట నిర్మాణ విషయంలో ఎవరు ముందడుగు వేసినా గిరిజనులకు అన్యాయం చేసిన్నట్లు కాగలదు.

ప్రతి గిరిజన కుటుంబానికి సొంత భూమి, ఇల్లు కల్పించడంతో పాటు వారి సమాజానికి ఉన్న ఉమ్మడి హక్కులు, సాంప్రదాయ- సామాజిక సరిహద్దులు వంటి వాటిని గ్రామ సభ ఆధ్వర్యంలో నమోదు చేసి, వాటికి సాధికారికత కల్పించడానికి ప్రభుత్వం అంగీకరించి, ఆ మేరకు ప్రకటన చేయాలి. ప్రభుత్వాలు, నిపుణులు అందరూ గ్రామ సభల అభిప్రాయాలు తీసుకొన్న తరువాతనే, గిరిజన సమూహాలతో చర్చించిన తరువాతనే ఏవిధమైన ఒప్పందం అయినా చేసుకోవచ్చు. ఆ తరువాతనే పోలవరం ఆనకట్ట వద్ద నిర్మాణాలు చేపట్టాలి. అయితే నేడు దురదృష్టవశాత్తు ఆనకట్ట నిర్మాణం, దాని ఎత్తు, నీటి నిల్వ పరిణామం, లోతు, మొత్తం డిజైన్, నదీ జలాల పంపిణి వంటి అంశాలపై చర్చ- యావత్తు గిరిజనుల అస్తిత్వానికి సంబంధం లేకుండా కొనసాగుతున్నది. స్వతంత్ర భారత చరిత్రలో లక్షలాది ఎకరాలు సశ్యశ్యామలం చేస్తున్న ఆనకట్టలు అన్నీ గిరిజన సమూహాల జలసమాధి ఆక్రందనల క్రిందనే జరిగినాయని గుర్తుంచుకోవాలి. ఆనకట్టల కోసం ఇల్లు, వాకిలి, పొలం, అడవి వదిలి వెళ్లి దినసరి కూలీలుగా మారిన గిరిజనుల దుస్థితి గురించి సభ్య సమాజం పట్టించుకోవడం లేదు. ఇటువంటి భారీ ప్రాజెక్టు ను చేపట్టినప్పుడు, వాటి ద్వారా సృష్టించే విశేషమైన సంపద రీత్యా, అందుకోసం సర్వం కోల్పోయిన గిరిజనుల గురించి ఇప్పటికైనా పట్టించుకోకుండా ఆనకట్ట నిర్మాణం కోసం అర్రులు చాచడం అమానుషం కాగలదు.

ఇప్పటికే ఆనకట్ట స్థలంలో ఏడు గిరిజనగ్రామాల వారిని ఖాళీ చేయించి స్వాధీనం చేసుకున్నారు. ఆనకట్ట వస్తే అందులో చేపలు పెంచుకొంటూ గిరిజనులకు నూతన ఉపాధి అవకాశాలు లభించగలవు. అయితే అటువంటి అవకాశం లేకుండా సుదూర ప్రాంతాలలో నిరాశ్రయులైన గిరిజనులకు పునరావాసం కల్పించడం విచారకరం. ముందుగా ఇంటింటికి, గూడెం గూడెంకు బృందాలను పంపి, సమగ్ర సర్వే సరిపించి, సేకరించిన వివరాలను గ్రామా సభల్లో వెల్లడించి, నమోదు చేయాలి. తుది గెజిట్ ప్రకటన చేయాలి. గిరిజనులను తరిమి వేసి ఆనకట్ట కడతామనే అహంకార ప్రకటనలకు అవకాశం ఇవ్వకుండా వారి సమ్మతి, ఆమోదం తోనే, వారి అభీష్ఠం మేరకే పోలవరం భవిష్యత్ నిర్ణయం కావాలి. గిరిజనుల అస్తిత్వం గురించి దశాబ్దాలుగా పోరాటాలు జరుపుతున్న శక్తి సంస్థ అధినేత పి శివరామ కృష్ణ ఈ విషయమై గతంలోసుప్రీం కోర్టు ను ఆశ్రయించారు. ఆ సందర్భంగా సుప్రీం కోర్టు ప్రభుత్వానికి ఇచ్చిన అనుమతిలో నిరాశ్రయులు అవుతున్న గిరిజనులకు పునరావాసం పూర్తి అయిన తరువాతనే ప్రాజెక్ట నిర్మాణం చేపట్టాలని స్పష్టం చేసినది. ఈ విషయంలో ఎటువంటి పొరపాట్లు జరిగినా వారు తిరిగి న్యాయస్థానాన్ని ఆశ్రయించవచ్చని పేర్కొన్నది. పునరావాసం అంశంలో షెడ్యూల్ ఏరియాలోనే తిరిగి గిరిజనులకు పునరావాసం కల్పించాలి అన్నది ప్రధానమైన అంశం. అయితే ప్రాజెక్టు స్థలంలో నిరాశ్రయులైన కొన్ని గ్రామాల వారికి షెడ్యూల్ ఏరియా బయట పునారావాసం కల్పించారు.

ఈ ఒక్క అంశం చాలు, న్యాయస్థానం నుండి ఈ ప్రాజెక్టు నులు నిలిపి వేయించడానికి! ఇటువంటి అంశాలపై ముందుగా ముఖ్యమంత్రి చంద్రబాబు నాయుడు దృష్టి సారించాలి.

-పెద్దాడ నవీన్

Blog at WordPress.com.

Up ↑