Search

Full Story

All that around you

Month

January 2015

ఒకే పేషెంట్… ఒకే డాక్టర్ …34 ఏళ్ళలో 3 విజయవంతమైన గుండె ఆపరేషన్లు


ఒకే వ్యక్తకి ఒకే డాక్టర్ 34 ఏళ్ళ వ్యవధిలో మూడుసార్లు విజయవంతంగా గుండె ఆపరేషన్ చేసిన ఉదంతం ఇది… డాక్టర్ అనుభవ నైపుణ్య సామరా్ధ్యలు, రోగి కంటిన్యువస్ ఫాలో అప్ సమన్వయంగా సాగితే హైరిస్క్ కేసుల్లో కూడా రోగి లైఫ్ క్వాలిటీని సురక్షితంగా పెంచవచ్చు అనడానికి ఈ కేసు ఒక ఉదాహరణ.

రాజమండ్రి ప్రముఖుడు, తెలుగుదేశం పార్టీ రాష్ట్ర అధికార ప్రతినిధి గన్ని కృష్ణ భార్య శ్రీమతి రాజేశ్వరి కి హృద్రోగ సమస్య తలెత్తినపుడు 1980 లో మద్రాసులో డాక్టర్ చెరియన్ మొదటిసారి ఆమె ఎడమ వాల్వ్ ను సర్జరీలో రిపేరు చేశారు. తరువాత అసౌకర్యంగా వుండటంతో 1987 లో దాన్ని తొలగించి అదే డాక్డర్ సింధటిక్ (Mitral) వాల్వ్ అమర్చారు. ఇపుటు తాజాగా కొత్త కుడివాల్వు కూడా అమర్చారు.

27 ఈళ్ళ తరువాత కొంతకాలంగా శ్వాసతీసుకోవడంలో ఇబ్బంది తలెత్తడం వల్ల తిరిగి పరీక్షలు చేయించగా ఈ సారి కుడివాల్వు లో సమస్య ఏర్పడినట్టు గుర్తించారు.

కుడివాల్వ్ కావడంతో రిస్కు ఎక్కువనీ, ఇప్పటికే రెండు సార్లు గుండె ఆపరేషన్ జరిగివున్న నేపధ్యం వల్ల ఇది మరీ ఎక్కువనీ, మందులతో చికిత్స కొనసాగిస్తే బెటరనీ డాక్టర్లు భిన్నాభిప్రాయాలు వ్యక్తం చేశారు.

ఇప్పటికే రాజేశ్వరికి రెండుసార్లు సర్జరీ చేసిన డబ్బై ఐదేళ్ళ డాక్డర్ చెరియన్ ఇప్పటికీ ఆపరేషన్లు చేస్తున్నారని తెలుసుకున్న కుటుంబీకులు ఆయన్ని సంప్రదించారు. గన్ని కృష్ణ తమ్ముడు జిఎస్ ఎల్ మెడికల్ కాలేజీ చైర్మన్ డాక్టర్ గన్ని భాస్కరరావు పలుధఫాలు డాక్టర్ చెరియన్ తో సంప్రదించారు. చెన్నయ్ తీసుకువెళ్ళి పరీక్షలు చేయించారు. పాతరికార్డులను రాజేశ్వరి ఇప్పటికీ భద్రపరచి వుంచడం విశేషమని డాక్టర్ చెరియన్ ప్రశంసించారు.

శ్రీమతి రాజేశ్వరికి జనవరి 28న చెన్నయ్ లోని ఫ్రాంటియర్ లైన్ హాస్పిటల్స్ లో డాక్టర్ చెరియన్ సర్జరీ దెబ్బతిన్న కుడివాల్వు (Tricuspid) స్ధానంలో కొత్తదాన్ని అమర్చారు. ఆమె కోలుకుంటున్నారు.

‘ ఏ కేసులో అయినా లైఫ్ ఎంతముఖ్యమో, క్వాలిటీ లైఫ్ కూడా అంతే ముఖ్యం.ఆపరేషన్ చేయకుండా తలెత్తే సమస్యల రిస్క్ కీ , ఆపరేషన్ లో వున్న రిస్క్ కీ ప్రయోజనాలనూ నష్టాలనూ బేరీజు వేసే ఏది ఎక్కువ ఉపయోగం అన్నదాన్నిబట్టే నిర్ణయం తీసుకుంటామని ‘ డాక్టర్ గన్ని భాస్కరరావు వివరించారు. ఈ కేసులో ఇప్పటికే రెండు సార్లు సర్జరీ చేసిన డాక్టర్ చెరియన్ ఇంకా యాక్టివ్ గా వుండటం పేషెంటు వద్ద రికార్డులు భద్రంగా వుండటం అరుదైన విశేషమని కూడావివరించారు

ఫొటోలో డాక్టర్ చెరియన్ కి కృతజ్ఞతలు తెలియజేస్తున్న గన్ని కృష్ణ , ఎడమవేపు కృష్ణ కుమార్తె శ్రీమతి స్మిత కుడిచివర డాక్టర్ గన్ని భాస్కరరావు.

2015/01/img_1720.jpg

గ్రామాలకు 19 స్మార్ట్ సూచికలు


రాష్ట్రాన్ని ప్రణాళికబద్ధంగా అభివృద్ధి చేయడంలో భాగంగా స్మార్ట్‌ వార్డు, స్మార్ట్‌ డివిజన్‌, స్మార్ట్‌ విలేజ్‌, అంతిమంగా స్మార్ట్‌ ఆంధ్రప్రదేశ్‌గా తీర్చిదిద్దే లక్ష్యం సాధనదిశగా ఆంధ్రప్రదేశ్ ప్రభుత్వం ‘స్మార్ట్’ కార్యక్రమాన్ని సిద్ధం చేసింది.ముఖ్యమంత్రి చంద్రబాబు పశ్చిమగోదావరి జిల్లా నిడదవోలు నియోజకవర్గంలోని వేలివెన్ను గ్రామంలో దీన్ని లాంఛనంగా ప్రారంభించి 18 కిలోమీటర్లు పాదయాత్ర చేశారు. అత్యుత్తమ విధానాల అమలు చేయాలని, ఇందులో ప్రతి ఒక్కరినీ భాగస్వాములు చేయడం ఇందులో ప్రధానాశం..

అభివృద్ధి కోసం ఎవరివైపో చూడాల్సిన అవసరం లేకుండా తమకున్న వినూత్న ఆలోచనలు, వనరులతో గ్రామీణ ప్రజానీకం ప్రణాళికలు రూపొందిస్తే వాటి అమలుకు అవసరమైన ఆర్థిక, ప్రణాళికాబద్ధమైన సాయం అందించే బాధ్యతను భాగస్వాములపై పెడుతున్నారు. రాష్ట్రంలోని మొత్తం 12,918 గ్రామాలు, 3,465 వార్డులను ఐదేళ్లలో స్మార్ట్‌గా తయారుచేయాలనే సంకల్పం పెట్టుకున్నారు.

పరిశుభ్రమైన, ఆరోగ్యకరమైన, ఆనందదాయకమైన, ఆర్థిక అసమానతలులేని సమాజాన్ని నిర్మించడమే ఆకర్షణీయ గ్రామం, వార్డుల లక్ష్యం. అందుబాటులో ఉన్న వనరులు, సమస్యలు, అవసరాలను దృష్టిలో పెట్టుకుని సూక్ష్మ ప్రణాళికలు రూపొందించారు. ముఖ్యమంత్రి అధ్యక్షతన ఒక స్టీరింగ్‌ కమిటీ, పంచాయతీరాజ్‌, పురపాలకశాఖ, గ్రామీణ నీటి సరఫరా, గ్రామీణాభివృద్ధి, విద్య, పౌరసరఫరాలు, తదితరాలకు చెందిన యంత్రాంగం ఇందులో ఉంటాయి. జిల్లాస్థాయిలో కలెక్టర్‌ పర్యవేక్షిస్తారు. ప్రతి గ్రామంలో జన్మభూమి- మావూరు కమిటీలు ఉంటాయి. మంత్రులు, ఎఎెు్మల్యేలతోపాటు ఐఏఎస్‌, ఐపీఎస్‌, ఐఎఫ్‌ఎస్‌ గ్రూప్‌ అధికారులు ఒక్కో గ్రామాన్ని లేదా వార్డును దత్తత తీసుకుంటారు. సామాజిక బాధ్యత కింద పారిశ్రామికవేత్తలు, ప్రవాస భారతీయులు, గ్రామం బయట నివాసం ఉండేవారు గ్రామాలను దత్తత తీసుకునేందుకు ఇప్పటికే ముందుకు వస్తున్నారు. గ్రామాలను దత్తత తీసుకునేందుకు వీలుగా 60 రోజుల్లో దరఖాస్తు చేసే విధంగా ప్రభుత్వం అవకాశం కల్పిస్తోంది. ఒకరికంటే ఎక్కువ మంది ఒక గ్రామాన్ని దత్తత తీసుకోవడానికి ముందుకు వస్తే వారి పూర్వాపరాలను పరిశీలించి ప్రభుత్వం నిర్ణయం తీసుకుం టుంది. ఒక లీడ్‌ భాగస్వామి (పార్టనర్‌)ని ఎంపిక చేసే అవకాశముంది.

ప్రతి కుటుంబానికి ఒకటి కంటే ఎక్కువ ఆదాయ వనరులు కల్పించడం, బడి ఈడు పిల్లలందరూ బడిలో ఉండేట్లు చూడడం, పిల్లలకు పౌష్టికాహారం, మరుగుదొడ్డి, తాగునీటి సౌకర్యం, మాతా శిశుమరణాల తగ్గింపు, వంద శాతం అక్షరాస్యత సాధించడం వంటి అంశాలు ఇందులో ఉన్నాయి.

రాష్ట్రంలో ఏదైనా గ్రామంలో ఒక వినూత్నఆలోచన, ఒక స్మార్ట్‌ కార్యక్రమం చేసి ఫలితంగా పదిమందికి ఉపాధి, పదిమందిలో చైతన్యం, పదిమందికి విద్య ఇలా ఏదైనా అందిస్తే తక్షణం ఆ విషయాన్ని రాష్టస్థ్రాయిలో ఉండే సమన్వయ కమిటీ స్వీకరిస్తుంది. ఆ విజయాన్ని రాష్ట్రంలోని మిగతా అందరికీ చెప్తుంది. ఈ కార్యక్రమం కోసం ఏర్పాటు చేయనున్న పోర్టల్‌లోను పొందుపరుస్తుంది. గ్రామ స్థాయిలో వచ్చే వినూత్న ఆలోచనల అమలుకు వివిధ శాఖల మధ్య సమన్వయం చేయాల్సి వస్తే ఆ బాధ్యతను రాష్ట్ర స్థాయి సమన్వయ సంఘం తీసుకుంటుంది. సీఎం చంద్రబాబు ఈ కమిటీకి ఛైర్మన్‌గా ఉంటారు. పంచాయతీల్లో పంచాయతీరాజ్‌శాఖ, వార్డుల్లో పట్టణాభివృద్ధి శాఖలు ఈ కార్యక్రమాన్ని పర్యవేక్షిస్తాయి. వ్యవసాయం, వైద్య, కుటుంబ సం క్షేమం, పంచాయతీరాజ్‌, గ్రామీణాభివృద్ధి, స్త్రీ శిశు సంక్షేమం, విద్య, పౌర సరఫరాలు తదితర శాఖల కార్యదర్శులు సభ్యులుగా ఉండే ఈ కమిటీకి ప్రణాళికా విభాగం కన్వీనర్‌గా వ్యవహరిస్తుంది. జిల్లా, మండల స్థాయిలో ఏర్పాటుచేసే సమన్వయ కమిటీలకు ఎప్పటి కప్పుడు విధి, విధానాలను ఈ కమిటీ నిర్దేశిస్తుంది.ఇందులో జిల్లా కలెక్టరు కీలక పాత్ర పోషిస్తారు.

స్థానిక ప్రజల విజ్ఞానం, నైపుణ్యాలు, సమర్ధత లను తక్కువగా చూడకూడదు. స్థానిక ప్రజల ఆలోచనలు, పద్ధతులు, స్థానిక నమ్మకాలను విమర్శించకూడదు. ఎవరిని బెదిరించకూడదు. ఈ పథకం అమలు తీరును మదింపు చేసేందుకు 19 సూచికలు ఏర్పాటు చేశారు.
1.ప్రతి కుటుంబానికి జీవనభృతికి అవసరమైన పని ఉండాలి. లేకుంటే చిన్న చిన్న వ్యాపారాలు చేసే అవకాశాలు కల్పించాలి. 2. అందరికీ ఇళ్లు, సురక్షితనీరు, విద్యుత్‌ ఉండాలి. 3. ప్రతి ఇంటికీ మరుగుదొడ్డి ఉండాలి. బహిరంగ మలవిసర్జన చేయకూడదు. 4. ప్రసవాలు అన్నీ ఆసుపత్రుల్లోనే జరగాలి. 5. శిశు మరణాలు అసలే మాత్రం ఉండకూడదు. 6. ఏడాదిలోపు శిశవులు వైద్యం అందక మరణించ కూడదు. 7. ఐదేళ్లలోపు పిల్లలందరికీ పౌష్టికాహారం అందాలి. 8. ప్రస్తుతం పాఠశాలలకు వెళ్తున్న బాల, బాలికల్లో ఇంటర్మీడియట్‌ లోపు చదువు మానేసిన వారు ఉండకూడదు. 9. అంగన్‌వాడీకేంద్రాలు, పాఠశాలలు, ఆరోగ్యకేంద్రాలు, గ్రామపంచాయతీ భవ నాల్లో వాడుకలో ఉండేలా మరుగుదొడ్డి, తాగునీరు, విద్యుత్‌ ఉండాలి. 10. ఏడాదిలో నాలుగుసార్లు గ్రామ, వార్డు సభలు జరగాలి. ఆ గ్రామం, వార్డుల్లో ఉన్న మూడింట రెండొంతుల మంది హాజరుకావాలి. 11. ప్రతి కుటుంబానికి బ్యాంకు ఖాతా ఉండాలి 12. ప్రతి పొలానికి భూసారపరీక్ష కార్డు ఉండాలి. పశపోషణ, వైవిధ్యమైన చెట్ల పెంపకం చేపట్టాలి. 13. ప్రజలందరి భాగ స్వామ్యం తో తయారుచేసిన అభివృద్ధి ప్రణాళిక ఉండాలి. 14. గ్రామం, వార్డు సరి హద్దుల మొత్తం పచ్చని చెట్లు పెంచాలి. 15. నీటి సంరక్షణ, నీటి నిల్వ నిర్మాణాలు ఉండేలా చేయాలి. 16. వివాదాలు, సమస్యలు, ఫిర్యాదుల పరిష్కారానికి ఒక పద్ధతి ఉండాలి.
17. గ్రామ సమాచార కేంద్రం, కంప్యూటర్‌ ల్యాబ్‌, మీ సేవ కేంద్రం ఉండాలి.18. ఇంటర్నెట్‌ అనుసంధానత ఉండాలి. 19. ఘన, ద్రవ వ్యర్థాల నిర్వహణ వ్యవస్థ ఉండాలి.

స్మార్ట్‌ విలేజ్‌ కార్యక్రమం కింద విశాఖ జిల్లాలోని అరకు గ్రామాన్ని చంద్ర బాబునాయుడు దత్తత తీసుకున్నారు. తెలుగుదేశం పార్టీ వ్యవ స్థాపకుడు ఎన్టీరామారావు స్వగ్రామం నిమ్మకూరును తెలుగుదేశం యువనాయ కుడు లోకేష్‌ దత్తత తీసుకున్నారు. అదే విధంగా ఎన్టీఆర్‌ సతీమణి స్వగ్రామమైన కొమరోలు (కృష్ణా జిల్లా)ను ముఖ్యమంత్రి చంద్రబాబునాయుడు సతీమణి నారా భువనేశ్వరి దత్తత తీసుకున్నారు. తన స్వగ్రామం నారావారిపల్లిని తన కోడలు బ్రాహ్మణి దత్తత తీసుకోనున్నట్లు చంద్రబాబు ప్రకటించారు. గ్రామాలు, వార్డుల దత్తతకు ముందుకు రావాలని ఆయన పారిశ్రామికవేత్తలు, ఎన్నారైలు, వ్యాపారవేత్తలు, ఎన్జీవోలు, ప్రజా ప్రతినిధులకు విజ్ఞప్తి చేశారు.

బాబు స్ఫూర్తితో అన్నవరం గ్రామాన్ని మంత్రి యనమల రామకృష్ణుడు, గుంటూరు జిల్లా గొట్టిపాడు గ్రామాన్ని మంత్రి ప్రత్తిపాటి పుల్లారావులు దత్తత తీసున్నారు. స్వగ్రామం ఓంు్టవాయిని మంత్రి పల్లె రఘు నాధరెడ్డి, పశ్చిమ గోదావరిలోని సీతారాంపురంను ఆంధ్రప్రదేశ్‌ ప్రభుత్వ మీడియా సలహాదారుడు పరకాల ప్రభాకర్‌, విజయవాడలోని మొగల్‌ రాజపురం వార్డును దత్తతుకు ఎంపిక చేసుకున్నట్లు ప్రణాళికా సంఘం ఉపాధ్యక్షుడు కుటుంబరావులు వెల్లడించారు. కృష్ణా జిల్లా పామర్రు మండలంలోని కొరిమెర్ల గ్రామాన్ని కెనడాకు చెందిన ప్రవాసాంధ్రుడు నవీన్‌ చౌదరి, కొండపల్లి, ఇబ్రహీంపట్నం గ్రామాలను వీటీపీఎస్‌, ఇబ్రహీంపట్నం మం.జూపూడి గ్రామాన్ని నిమ్రా కళాశాల దత్తత తీసుకున్నాయి.ఇప్పటికే రాష్ట్రంలో పలు గ్రామాలను క్రికెట్‌ దిగ్గజం టెండూల్కర్‌, కేంద్ర మం త్రులు వెంకయ్యనాయుడు, నిర్మలా సీతారామన్‌, ఎంపీలు కొణకళ్ల నారా యణ తదితరులతోపాటు ఎమ్మెల్యేలు పలువురు స్మార్ట్‌ గ్రామం రూపకల్పన దిశలో ముందుకు సాగుతున్నారు. పశ్చిమ గోదావరి జిల్లా పాలకొల్లు మండలం లోని తన స్వగ్రామమైన మైైజారుగుంటను గృహ, పట్టణాభివృద్ధి సంస్థ (హడ్కో) ఢిల్లీ ఛైర్మన్‌, మేనేజింగ్‌ డైరెక్టర్‌ డాక్టర్‌ మేడిది రవికాంత్‌ దత్తత తీసుకున్నారు. రూ. 80 లక్షల కేంద్ర ప్రభుత్వ ప్రత్యేకనిధులతో కాలిబాట వంతెన, రహదారి, డ్రైన్లు వంటి అభివృద్ధి చేసేలా ప్రణాళికలు రూపొందించుకున్నారు. కార్పొరేట్‌ సామాజిక బాధ్యత (సీయస్‌ఆర్‌) నిధులతో పలు పాఠశాలల్లో మరుగుదొడ్లు నిర్మిస్తున్నారు. ఇదేరీతిలో మరికొన్ని కార్పొరేట్‌ సంస్థలు కూడా గ్రామాలను దత్తత తీసుకుని అభివృద్ధికి బాటలు వేయనున్నాయి. ఇక నుంచి సృజనాత్మకత, నవీకరణలు అభి వృద్ధి ప్రక్రియను స్మార్ట్‌ వార్డు, స్మార్ట్‌ డివిజన్‌, స్మార్ట్‌ విలేజ్‌లను కొత్త అంచులకు తీసుకెళ్ళాల్సి ఉంది.

గతంలో ఉమ్మడి రాష్ట్రం, దేశంలోని పలు గ్రామాలు సాధిం చిన ఘనతను గుర్తుకు తెచ్చుకోవడం ఉత్తమం. వరంగల్‌కు 20 కిలోమీటర్ల దూరంలో ఉన్న గంగదేవిపల్లి గ్రామం బాల వికాస సామాజిక సేవా సంఘం అనే స్వచ్ఛంద సంస్థ స్థానిక ప్రజలతో కలిసి గంగదేవిపల్లె ప్రయోగాన్ని విజయవంతం చేసింది.13 వేల జనాభా గల ఈ గ్రామం సంపూర్ణ అక్షరాస్యత సాధించింది. ఇతర మానవాభివృద్ధి సూచీల్లో ఎంతో ముందడుగు వేసింది. ఆదర్శగ్రామంగా గంగదేవిపల్లి ఎదగడానికి 15 ఏళ్ళు పట్టింది.2014 సెప్టెంబరులో కేంద్ర ప్రభుత్వం ఎంపిక చేసిన మూడు స్పూర్తి దాయక గ్రామాల్లో గంగదేవిపల్లి ఒకటికాగా మిగతా రెండూ పున్నారి (గుజరాత్‌), హివారి బజార్‌(మహారాష్ట్ర)లు ఉన్నాయి.

సమిష్టి కార్యాచరణలో పాల్గొన్న అనుభవం, స్థానిక వైరుధ్యాలను పరిష్కరించుకున్న చరిత్ర ఉన్న గ్రామాలను ఈ పథకంలో మమేకం చేయాలి. రాజకీయ, కుల, మత బేధాలతో చీలిపోకుండా ప్రజల మధ్య సమష్టి తత్వం, ఐక్యత ద్వారానే గ్రామాల్లో ఆశించిన ఫలితాలు దక్కుతాయి.చురుకైన ప్రజా భాగస్వామ్యం స్వచ్ఛంద సేవలతో నడిచే ఉదాత్త పథకం కావాలి.పథక లక్ష్యాలకు అణుగుణంగా రూపొందే గ్రామాలు పొరుగు పల్లెలకు స్ఫూర్తినిచ్చి అన్నింటిని అభివృద్ధి మార్గం పట్టించాలి. సమర్థ భూ, జల విధానం, సురక్షిత తాగునీటి సరఫరా, పారివుద్ధ్యం, ఆరోగ్య సేవలు, ఆస్పత్రి, విద్య జీవనోపాధి వంటి సౌకర్యాలు తప్పనిసరిగా ఉన్నప్పుడే అవి ఆదర్శ గ్రామం అనిపించుకుంటాయి.

ఒక మహావిజ్ఞానాకికి కేంద్రబిందువు జనవరి 14


పున్నమినుంచి అమావాస్యకీ, అమావాస్య నుంచి పున్నమికీ చంద్రబింబం ఒక క్రమపద్ధతిలో తగ్గుతూ హెచ్చుతూ వుంటుంది…చంద్రుడి హెచ్చుతగ్గుల కళలను బట్టి రోజుల్ని (తిధులు) లెక్కపెట్టడం చంద్రమానం. ఇది వ్యవసాయానికి అవసరమైన రుతువుల్ని సూచించదు. రుతువులు సూర్యుణ్ణి అనుసరిస్తాయి. సూర్యుడికి కళలు వుండవు. అందువల్ల సూర్యమానాన్ని లెక్కించడానికి కొంత నిపుణత కావాలి. ఏపరికరాలూ లేని యజుర్వేద కాలంలో పరంపరగా సాగిన నిరంతర పరిశీలన పరిశోధనలనుంచి మానవ మేధస్సు సాధించిన మహా విజ్ఞానమే ఈ కేలండర్

తూర్పునుంచి పడమరకు సూర్యుడు తిరిగే (తిరుగుతున్నాడనిపించే) దారి భూమికి నడినెత్తిమీద వుండదు…సూర్యుడు భూమి నెత్తి మీద ఆరునెలలు దక్షిణం వైపు ఆరునెలలు ఉత్తరం వైపు జరుగుతూ వుంటాడు. ఇదే దక్షిణాయణం, ఉత్తరాయణం…
ఇలా ఆయన అటూ ఇటూ తిరిగే సమయంలో ఉత్తర దక్షిణాల మధ్య భూమి నడినెత్తికి దగ్గర గా వుండే కాలాన్ని / సమయాన్ని గుర్తించారు. అదే జనవరి 14…అదే మకర సంక్రమణం. దక్షిణం చివరి నుంచి ఉత్తరం చివరి వరకూ సూర్యుడి ప్రయాణ మార్గాన్ని కొన్ని భాగాలుగా విభజించారు. సూర్యుడు ఏభాగంలో ఉన్నాడన్నదాన్ని బట్టి అది ఏరుతువో తెలుసుకోవచ్చు…

సూర్యయానాన్ని 27 భాగాలుగా విభజించారు…ఒకోభాగానికీ ఒకో నక్షత్రం పేరుపెట్టారు… గ్రీకు ప్రభావంతో దీన్నే 12 భాగాలు గావిభజించి ఒకో భాగాన్నీ ఒకో రాశిపేరుతో పిలిచే పద్ధతి కూడా మనదే…సూర్యమానంలో రాశుల్నీ నక్షత్రాల్నీ సమన్వయం చేసుకుని రోజులతో సహా రుతువుల కేలెండర్ ని డెవలప్ చేశారు. ఆవిధంగా సూర్య యానం జనవరి 14 నుంచి ప్రారంభమౌతుంది

వ్యవసాయ విస్తరణకోసం పుట్టుకొచ్చిన కేలెండర్ లో రాహుకాలాలూ యమగండాలు బల్లిశకునాలు దుర్ముహూర్తాలూ చేరిపోయి పంచాంగమైంది…రుతువుల సమయాసమయాలు గుర్తించే ఖగోళ విజ్ఞానంలో రాశులు గ్రహాలు మనుషుల పుట్టుక సమయాలతో ముడిపడి జ్యొతిష పంచాంగమైంది

❤️ సంక్రాంతి తలపోత


⭐️ హేమంత రుతువు : మనుషుల్ని ఆర్ధికంగా, హార్ధికంగా సుఖసంతోషాల్లో వుంచడంలో శారీరక మానసిక కారణాలతోపాటు వాతావరణం పాత్ర కూడా వుంటుంది.

⭐️ తొలిపంటను చేతికందించి గాదెల్ని పూర్ణకుంభాలు చేసేది, శరీరాల అలసట తొలగించి చలిలో నునువెచ్చటి వాంఛల్ని మీటేదీ హేమంత రుతువే!

⭐️ కమ్మరం, కుమ్మరి, వడ్రంగం వగైరా వృత్తులు అంతరించిపోవడమో, రూపాంతరమైపోవడమో జరిగి సంక్రాంతి కళ, రూప విన్యాసాలు కూడా మారిపోయాయి.

⭐️ గుడి అరుగులమీద గుడుగుడుగుంచాలు, చెరువుగట్టు మీద చెమ్మచెక్కలు, రచ్చబండ మీద అచ్చనగాయలు, జ్ఞాపకాల్లోతప్ప ఇపుడు కనిపించడమేలేదు.

⭐️ పెద్దఅరుగులమీద చుట్టూ పిల్లల్ని కూర్చోబెట్టుకుని కథలు చెప్పిన మామ్మలు టివిలకు, పిల్లలు ట్యూషన్లకు అతుక్కుపోతున్నారు.

⭐️ ఏ ఊళ్ళోనూ పల్లె లేదు. రచ్చబండలు చెక్కభజనలు ఏరువాకల వెన్నెల్లో ఆటలులేవు ఎదురయ్యేవి బక్కచిక్కిన బసవన్నలే…సినిమా పాటల హరిదాసులే.

⭐️ అయినా…రుతువులు గతులు తప్పి పంట కేలెండర్లు మారిపొతున్నా మనుషులు,మనసుల ప్రకృతి తప్ప, ప్రకృతి ఆకృతి మారడం లేదు…మారదు.

⭐️ నమ్రత తప్ప ఏమీతెలియని కాలువలు సాగిపోతూనే వున్నాయి. మనిషిలో మాలిన్యాన్ని గుండెలో దాచుకున్న తల్లిలా గోదావరి ప్రవహిస్తూనే వుంది.

⭐️ తాతలు గతించాకా వారి రూపులు వారసుల్లో వున్నట్టే, తరాలూ వేషభాషలు మారినా ఒక జాతి సంస్కృతీ సంప్రదాయాలు రూపాంతరమైనా సజీవంగా కొనసాగుతూనే వుంటాయి.

⭐️ ఇంట్లో సంబరమైతే అది వేడుక…ఉరంతా కేరింతైతే అది పండగ…దాదాపు నెలరోజుల హేమంత రుతుశోభకు పరాకాష్ట, ఉపసంహారమూ సంక్రాంతి పండుగే!

10 శాఖల్లో e పాలన


త్వరత్వరగా మారిపోతున్న టెక్నాలజీని అందిపుచ్చుకోవడంలో యువతరం ఎప్పుడూ ముందు ఉండలన్న ముఖయమంత్రి చంద్రబాబు నాయుడు లక్ష్యానికి అనుగుణంగా ఆంధ్రప్రదేశ్ లో చిన్నగా మొదలైన e పాలన ఊపందుకుంటోంది.

రాష్ట్ర ప్రగతికి అందరి సహాయ సహకారాలు అందిపుచ్చుకోవడం ద్వారా ప్రజా సమస్యలకు ప్రాధాన్యం ఇచ్చినట్లవుతుంది. సాంకేతిక పరిజ్ఞానంతో ప్రజలకు అందుబాటులో ఉండటంలో భాగంగా గూగుల్‌ హాంగవుట్‌ ద్వారా రాష్ట్ర ప్రజలతో చంద్రబాబు ముఖాముఖి కార్యక్రమంలో పాల్గొన్నారు. హాంగవుట్‌లో ఔత్సాహికులకు ఆయన సమాధానాలు ఇస్తున్నారు. తద్వారా నూతన సాంకేతక విధానానికి చంద్రబాబు నాయుడు శ్రీకారం చుట్టారు.

ముఖ్యమంత్రి చంద్రబాబు నాయుడు ప్రారంభించిన ఈ- ఆఫీస్‌ దేశ పరిపాలనా రంగంలోనే విప్లవాత్మకమైన పరిణామానికి నాంది పలికింది. పారదర్శకతతో కూడిన సుపరిపాలనను అందించడమేగాక, ప్రజాధనం దుర్వినియోగాన్ని అరికట్టడానికి సాంకేతికత తోడ్పడుతుంది. ఆంధ్రప్రదేశ్‌ ప్రభుత్వం ఇప్పటికే రైతు రుణమాఫీ , రేషన్‌ పంపిణీ, గ్యాస్‌ సరఫరా, విద్యుత్‌ వంటి పథకాలకు ఆధునికతను జోడించారు. ఆన్‌లైన్‌ పరిజ్ఞానాన్ని అమలు చేసి మెరుగైన ఫలితాలు సాధించింది. మరో 10 కొత్త సంక్షేమ పథకాలను ఆన్ లైన్ లో ప్రవేశ పెట్టి రాష్ట్రంలో కొత్త చరిత్ర సృష్టించబోతున్నారు. ఇదే విజయవంతమైతే అర్హులకే సంక్షేమ ఫలాలు దక్కడంతో పాటు అనర్హులను తేలిగ్గా ఏరివేయవచ్చు.

ఎలకా్ట్రనిక్ కార్యాలయం
ఎలకా్ట్రనిక్ కార్యాలయం అమలులో భాగంగా ఫైళ్ళ నిర్వహణను ఆన్‌లైన్‌లోనే చేపట్టనున్నారు. ఫైళ్ళ తయారీతో పాటు ప్రాసెసింగ్‌, డిజిటల్‌ సంతకం సాయంతోనే చివరికి ఫైల్‌ను ఆమోదించడం జరుగుతుంది. అలాగే ప్రభుత్వ ఉత్తర్వులు సైతం ఆన్‌లైన్‌లోనే నిర్వహించేలా ఈ- ఆఫీస్‌ సాఫ్ట్‌వేర్‌ను సిద్ధం చేశారు. కేవలం ఇ (ఎలకా్ట్రనిక్) మెయిల్‌ వినియోగం గురించి తెలిసేవారికి ఈ- ఆఫీస్‌ను వినియోగించడం చాలా తేలికని అధికారులు తెలిపారు. తొలుత 10 ప్రభుత్వ శాఖల్లో ఈ కార్యాలయాన్ని అమల్లోకి తీసుకువస్తున్నారు. ప్రభుత్వ ప్రధాన కార్యదర్శి కార్యాలయం కూడా ఇందులో ఉంది.

అలాగే కీలకమైన ఆర్థిక శాఖతో పాటు సంక్షేమ శాఖలైన సాంఘిక, గిరిజన, బీసీ, మైనార్టీలను ఆన్‌లైన్‌ చేశారు. న్యాయశాఖ, గృహ నిర్మాణం, పౌరసరఫరాలు, వ్యవసాయంతో పాటు ఇన్ఫర్మేషన్‌ టెక్నాలజీలోనూ ఆన్‌లైన్‌ వ్యవస్థ అమలవుతుంది. ఆన్‌లైన్‌ కార్యాలయ వ్యవస్థలో మొత్తం ఆరు విభాగాలుంటాయి. అందులో భాగంగా ఈ-ఫైల్‌, నాలెడ్జ్‌ మేనేజ్‌మెంట్‌, ఈ- లీవ్‌, ఈ- టూర్‌, పర్సనల్‌ ఇన్ఫర్మేషన్‌, కొలబ్రేషన్స్‌ అండ్‌ మెసెజింగ్‌ సర్వీసెస్‌ ఉంటాయి

. ఈ-ఫైల్‌: అన్ని ఫైళ్ళను వరుస క్రమంగా నిర్వహిస్తుంది. సంబంధిత ఉద్యోగులు, అధికారులు అందరికీ అందుబాటులో ఉండేలా ఈ విధానం పని చేస్తుంది.

నాలెడ్జ్‌ మేనేజ్‌మెంట్‌ సిస్టం (కేఎంఎస్‌): నాలెడ్జ్‌ మేనేజ్‌మెంట్‌ సిస్టం అనేది కేంద్రీకృత సమాచార వ్యవస్థగా పనిచేస్తుంది.చట్టాలు, విధానాలు, మార్గదర్శకాలు వంటి ప్రతి అంశం నాలెడ్జ్‌ మేనేజ్‌మెంట్‌ సిస్టంలో పొందుపరచడం జరుగుతుంది.

సెలవు నిర్వహణ విధానం (ఈ-లీవ్‌): ఉద్యోగుల సెలవులకు సంబంధించిన వివరాలన్నీ దీనిలో నమోదవుతాయి. సెలవు దరఖాస్తు, మంజూరు వంటి ప్రతిదీ కూడా ఎప్పటికప్పుడు నమోదు చేయడం జరుగుతుంది.

ఎలకా్ట్రనిక్ టూర్‌ మేనేజ్‌మెంట్‌ సిస్టం (ఈ- టూర్‌): విధి నిర్వహణలో భాగంగా సంబంధిత శాఖల్లోని అధికారులు, ఇతర సిబ్బంది ఎక్కడెక్కడ పర్యటిస్తున్నారో ఆన్‌లైన్‌లో తెలుసుకోవచ్చు. అలాగే పర్యటన సందర్భంగా ఎదురైన విషయాలను నమోదు చేయడం జరుగుతుంది.

పర్సనల్‌ ఇన్ఫర్మేషన్‌ మేనేజ్‌మెంట్‌ సిస్టం (పీఐఎంఎస్‌ ): ఉద్యోగుల వ్యక్తిగత వివరాలు పీ ఐ ఎం ఎస్‌లో నమోదు చేయడం జరుగుతుంది. అలాగే రికార్డులను ఎప్పటికప్పుడు నవీకరించి నిల్వ చేస్తారు.

కొలబ్రేషన్‌ అండ్‌ మెసేజింగ్‌ సర్వీసెస్‌ (సీఎఎంఎస్‌): సంబంధిత శాఖలో పరస్పర సమాచారం చేరవేతకు సీ ఎఎంఎస్‌ సర్వీసును వినియోగిస్తారు. సందేశాల చేరవేతతో పాటు ఉద్యోగుల పే స్లిప్పులు, జీపీఎఫ్‌, ఇన్‌కంట్యాక్స్‌ వంటివన్ని ఈ- సేవల్లో ఉంటాయి.

సెంట్రలైజ్డ్‌ సర్వీస్‌: ఎలక్ట్రానిక్‌ కార్యాలయానికి సంబంధించిన సమగ్ర సమాచారం కేంద్ర సర్వర్‌లో నిక్షిప్తమై ఉంటుంది. అధికారులు ఎక్కడినుంచైనా వాటిని పరిశీలించవచ్చు. అలాగే అధికార యంత్రాంగం క్షేత్రస్థాయి పర్యటనల్లో ఎవరైనా అర్హులకు మేలు చేయాలనుకుంటే అక్కడికక్కడే తక్షణ నిర్ణయం తీసుకోవచ్చు. అనర్హులను సైతం ఎక్కడికక్కడే గుర్తించవచ్చు. సంబంధిత సమాచారం అత్యంత భద్రంగా ఉండటానికి పలు రక్షణ చర్యలు కూడా తీసుకున్నారు. అధికారులకు ప్రత్యేక కోడ్‌తో పాటు వేలిముద్రలు, కనుపాపల ఆధారాలు తీసుకున్న తర్వాతే కంప్యూటర్‌ తెరుచుకుంటుంది. దీనితో చిన్నపాటి తేడా కూడా వచ్చేందుకు అవకాశం లేదు. అలాగే డిజిటల్‌ సంతకాలు సైతం దుర్వినియోగమయ్యే అవకాశం ఏమాత్రం లేదు. ప్రస్తుతం దాదాపు అన్ని ఫైళ్ళను కంప్యూటరీకరించారు. మరో ఏడు నెలల కాలానికి చెందిన ఫైళ్ళు మాత్రమే ఇంకా మిగిలి ఉన్నాయి. అవి కూడా పూర్తి అయితే ఆంధ్రప్రదేశ్‌ రాష్ట్రంలోని మొత్తం పరిపాలనను ఈ- ఆఫీస్‌ద్వారానే చేయగలుగుతారు.

ఈ- ఆఫీస్‌ ప్రయోజనాలు: e పాలన నిస్సందేహంగా పారదర్శకతను పెంచుతుంది. ఫైళ్ళ కదలికలో రెడ్ టేపిజాన్ని అరికడుతుంది. ప్రజలు ‘కష్టమర్లయ్యే’ సందర్భాలలో లోపల ఏంజరుగుతూందో తెలుసుకోడాని వారు ఇపాలనలో ఇంటరాక్టు కావలసి వుంది అందుకు వారి డేటా సర్వర్లకు అవసరమౌతుంది. ఆధార్ కార్డే ఇందుకు ఆధారమౌతుంది. ఎలకా్ట్రనిక్ కార్యాలయంతో బహుళ ప్రయోజనాలు ఉంటాయి. ప్రత్యేకించి పౌరులకు వేగవంతమైన పారదర్శ కమైన సేవలు లభ్యమవుతాయి. పని సామర్థ్యం మెరుగవడంతో పాటు నిర్వహణ వ్యయాలు తగ్గుతాయి. క్లౌడ్‌ సర్వీస్‌తో ఉద్యోగులు ఎక్కడ్నుంచైనా పనిచేసుకునే అవకాశం ఉంది. డిజిటల్‌ సంతకం వినియోగంతో ఫైళ్ళ ట్యాంపరింగ్‌కు ఏమాత్రం అవకాశం ఉండదు. సంబంధిత శాఖల్లోని అధికారులు ఎన్ని గంటలు పనిచేశారో తెలుసుకోవడంతో పాటు ఎన్ని ఫైళ్ళను క్లియర్‌ చేశారనేది తెలుకోవచ్చు. నోట్‌ ఫైల్‌లోని అంశాలకు సంబంధించిన జీవోల ప్రతులు, ఆర్టికల్స్‌ను వాటితో పాటే అనుసంధానించగలిగితే అన్ని స్పష్టంగా చూసుకునే అవకాశం ఉంటుంది.‘గ్రామం మొదలుకుని సచివాలయం వరకూ ప్రతి దశలోనూ ‘ఈ-కార్యాలయం’ విధానాన్ని అమలు చేయడం వల్ల ప్రభుత్వ కార్యకలాపాల్లో పారదర్శకత పెరుగుతుంది. దస్త్రాలు వేగంగా పరిష్కారమవుతాయి. ఏ అధికారైనా తన శాఖకు సంబంధించిన దస్త్రాలను ఎక్కడి నుంచైనా పరిష్కరించుకునేందుకు అవకాశం ఏర్పడుతుంది. ప్రస్తుతం పది శాఖల్లో ఈ విధానం ప్రారంభమవ్వడం శుభపరిణమం. మిగతా శాఖల్లో కూడా వీలైనంత వేగంగా ఈ విధానాన్ని ప్రారంభించాలి. 2015 మార్చి 31కల్లా అన్ని ప్రభుత్వ శాఖల్లోనూ ‘ఈ-కార్యాలయం’ విధానాన్ని అమలు చేసి దేశంలోనే తొలి ‘ఈ-సచివాలయం’గా ఆంధ్రప్రదేశ్‌ సచివాలయానికి గుర్తింపు తీసుకురావాలన్న చంద్రబాబు ఆకాంక్ష నెరవేరుతుందని ఆశిద్దాం.

e(ఎలకా్ట్రనిక్) పాలనలో ప్రజలు తెలుసుకోవలసిన సమాచారానికి # (హాష్ టాగ్) ని కూడా జోడిస్తే నాలాంటి వయసుమళ్ళిన వారి వల్ల కాదేమోగాని ఇంటర్ నెట్ పరిజ్ఞానమున్న వారు టాబ్లెట్ పిసిలు, ఫోబ్లెట్లు, స్మార్ట్ ఫోన్ లలో కూడా గవర్నమెంటుని చూడవచ్చు, అర్ధంచేసుకోవచ్చు, నిలదీయవచ్చు.

Create a free website or blog at WordPress.com.

Up ↑