Search

Full Story

All that around you

Month

September 2015

నీళ్ళు వచ్చేశాయి


ఇప్పటికిప్పుడే నీళ్ళు చాలవని తెలిసికూడా పట్టిసీమ ఎత్తిపోతల పధకాన్ని ఒకసారి జాతికి అంకితంగా, మరోసారి ఇబ్రహీంపట్టణం వద్ద సభగా, ఆవెంటనే పట్టిసీమవద్ద ప్రారంభోత్సవంగా…మొత్తం మీద అనేక ఈవెంట్ల మెగా ఈవెంటుగా ముఖ్యమంత్రి ఎందుకు మార్చేస్తున్నారన్నది సూటిగా సమాధానం దొరకని ప్రశ్న. 

ఇతరవిషయాలు ఎలా వున్నా “నీళ్ళు వచ్చేశాయి” అన్న భారీ ప్రచారం రాజధాని ఏరియా అంతటా రియల్ ఎస్టేట్ వ్యాపారానికి పెద్ద ఊపునిస్తుంది.
http://www.telugu360.com/te/అనుసంధానం-ఘనత-బాబుదే-తక్/

  

చైనా మాంద్యంలో ఇండియా లాభాలు! 


పెట్టుబడులను ఆహ్వానించడానికి భారత్ నాయకులు చైనా వెళ్ళడం అవసరం…మౌలిక వసతుల కల్పనకు మితి మీరి ఖర్చు చేయడమే చైనా ఆర్ధిక సంక్షోభానికి మూలమని నరేంద్రమోదీ, చంద్రబాబు నాయుడు, చంద్రశేఖరరావు గ్రహించడం కూడా మన ప్రయోజనాలకు అత్యవసరం.

http://www.telugu360.com/te/surat-diamond-blow-to-china-even-more-benefits-to-india/ 

  

స్పందనా రాహిత్యమే జాతీయ విధానం ఎవరికీ పట్టని రైతు ఆత్మహత్యలు


ఇది…కష్టాలు, ఆశలు అరణ్యరోదనగా మారినపుడు, తమ మనోభావాలకు వేదికగా వుండవలసిన ప్రజా ప్రతినిధులు దగా పూరితంగా వ్యవహరిస్తున్నపుడు, రైతులు తమ గుండెకోతను వ్యక్తం చేయడానికి మిగిలిన మార్గం…ఆత్మహత్య
ఇది…వ్యక్తిగతం కాదు, వ్యవస్ధీకృతం!

http://www.telugu360.com/te/no-one-worry-about-telangana-farmers-death/

IMG_0379

ధర రాదు అప్పుతీరదు యూరప్ రైతులదీ అదే కథ!


జీవన వ్యాపకాల్లో మౌలికమైన మార్పులు వచ్చినపుడు తలఎత్తే సంక్షోభాలు వ్యవస్ధాగతమైన ఆత్మహత్యలుగా మారిపోతున్నాయని ప్రపంచఅనుభవాలు రుజువు చేస్తూనే వున్నాయి. నివారణలకు ప్రత్యామ్నాయాలను కనుగొనడంలో ప్రభుత్వాలు విఫలమౌతూనే వున్నాయి. ఏ ఆర్ధిక సంక్లిష్టతకైనా మొదటి వేటు వేస్తున్నది వ్యవసాయరంగం మీదే!

http://www.telugu360.com/te/european-farmers-demand-aid-as-produce-prices/

  

కార్యకర్తల పునాదితోనే వారసుడికి నాయకత్వం!


…..చంద్రబాబు నాయుడు అనుచరులుగా సహచరులుగా వున్న నాయకులు అదే విధేయతను నారా లోకేష్ పట్ల చూపించడంలో పెద్ద ఇబ్బంది వయోబేధమే! క్రమంతప్పని తెలుగుదేశం సభ్యత్వాల నమోదు కొత్తతరం కార్యకర్తల్ని పార్టీలోకి తీసుకు వస్తుంది.వీరందరికీ నిరంతరాయంగా సిద్ధాంతపరమైన శిక్షణ, ఇచ్చేలా తెలుగుదేశం కార్యక్రమాన్ని రూపొందించింది. ఈఫలితాలు నాలుగైదేళ్ళలో లోకేష్ కు తిరుగులేని మద్దతుగా నిలుస్తాయి….

http://www.telugu360.com/te/tdp-leadership-to-nara-lokesh/

  

వల్లకాని నిశ్శబ్దం! 


అతి సున్నితమైన, అత్యంత సూక్ష్మమైన సంవేదనలను (senses) కూడా కన్ను, ముక్కు, చెవి, నాలుక, చర్మం గుర్తించడమూ ఒక విధంగా నిశ్శబ్దానికి భంగమే! 
పంచేంద్రియాల అనుభూతికి అందని మౌనమే నిశ్శబ్దం. 
కేవలం ఊపిరితీసుకోవడం విడిచిపెట్టడం మీద కాసేపు దృష్టి సారించగల ఏకాగ్రత అలవడింది కాని, నిశ్శబ్దంలో ఆనందం అనుభవమవ్వడం లేదు. ఈ సాధన చిన్న విషయం కాదు…అది నావల్లకాదు కూడా! 

నీటికి కటకట 


ప్రాణంనిలిపి వుంచుకోడానికి అనివార్యమైన నీరూ ఆహారాలు అంతరించుకుపోతున్న దయనీయ స్దితి సమాజమంతటికీ విస్తరించరించే తొలిదశ దుర్భిక్షం, తరువాత దశ కరువు.. రాయలసీమలో దుర్భిక్షం ఇపుడు కరువుదిశగా అడుగులు వేస్తోంది 

http://www.telugu360.com/te/drought-in-rayalaseema/

  

ఇతనిలో ఫైరుమన వేదనని మనమే వింటున్నట్టు వుంటుంది


పవన్ కల్యాణ్ మాటలన్నీ మనకితెలిసినవే అనిపిస్తుంది. అయినా విసుగురాదు. మన వేదనని మనమే వింటున్నట్టు వుంటుంది.మన ఆవేశాన్ని మనమే చూపిస్తున్నట్టు వుంటుంది. మన చుట్టూ వున్న దుర్నీతిని మనమే తొలగిస్తున్నట్టు అనిపిస్తుంది. అతని మీద ఒక నమ్మకం హృదయం నుంచి ప్రవహిస్తున్నట్టు వుంటుంది. ఈ ఫీలింగ్స్ అన్నిటికీ భౌతిక సాక్ష్యంగా అనేక సార్లు వెంటు్రకలు నిక్కబొడుస్తాయి

జనంలో ఆక్రోశాలు, ఆవేదనలు, ఉద్వేగాలు, సమాధానంలేని ప్రశ్నల్ని ముప్పై ఏళ్ళక్రితం ఎన్ టి రామారావు హృదయం నుంచి ప్రతిబింబించారు. రాజకీయ సాంప్రదాయాలను లాంఛనాలను విచ్ఛినం చేస్తూ అన్ని దుర్నీతులకూ కాంగ్రెస్ మీద నిప్పులు చెరిగిన ఎన్ టి ఆర్ ని నిజజీవితంలోనూ హీరో అయ్యారు. అపుడు ప్రజలు తమను ఆయనలో చూసుకున్నారు. ఆ ఐడెంటిటీ ఆయనకు నాయకత్వాన్ని కట్టబెట్టింది. 
రాజకీయాల్లో పాలనలో సొంత కుటుంబంలో ఎన్ టి ఆర్ సాఫల్యాలు వున్నాయి. వైఫల్యాలు వున్నాయి. ఆయన ముగింపు దయనీయమే …అయినా స్వాతంత్యా్రనంతరం తెలుగునాట ఎన్ టి ఆర్ కు మించిన ప్రజానాయకుడు రాలేదు. 
చరిత్ర పునరావృతమౌతూంది. 
పవన్ కల్యాణ్ – ఎన్ టి ఆర్ ని తలపిస్తున్నారు. ఈ ఇద్దరి తొలిసభలకు చాలా పోలికలున్నాయి…తేడాలున్నాయి. అప్పటికి ఇప్పటికీ ఆర్ధిక, సామాజిక నేపధ్యాలు పోలికలేనంత మారిపోయాయి. మౌలికమైన రాజకీయనేపధ్యం దాదాపు మారలేదు. ఈ ప్రమేయాలన్నటినీ పరిగణనలోకి తీసుకుని చూసినపుడు మళ్ళీ ఒక ప్రజానాయకుడు ఉద్భవించాడన్న భావన కలుగుతోంది. 
రాజకీయాల్లోకి వస్తారని ఊరించి ఊరించి అపూర్వ జనసందోహంతో రాజకీయ ప్రవేశం చేసిన చిరంజీవి ఉపన్యాసం తొలిసభలోనే నిరుత్సాహపరచింది( ఏళ్ళతరబడి ఆయన మీద విపరీతంగా పెరిగిపోయిన ఎక్స్ పెక్టేషన్ అందుకు కారణం కావచ్చు)
రాజకీయ సాంప్రదాయాలకు పద్ధతులకు మర్యాదలకు భిన్నంగా ప్రజాజీవితంలోకి వచ్చే వారిమీద విమర్శలు అతితీవ్రంగా వుంటాయి. సినిమా వాళ్ళకు రాజకీయాలేంటి? మొఖాలకు పూసుకునే రంగులు ఎంతకాలం నిలుస్తాయి? వగైరా సమస్యలను అపుడు ఎన్ టి ఆర్ ఎదుర్కొన్నారు. ఇపుడు పవన్ ఎదుర్కోవడం మొదలు పెట్టాడు
ఎన్ టి ఆర్ ఉపన్యసించి వెళ్ళిపోయాక ఆ ప్రాంతంలో ఒక రోజంతా విమర్శలు చర్చలు మద్దతు మాటలూ వినబడేవి. ఇపుడు అవనీ్న టివిల్లోనే, ఫేస్ బుక్ లోనే కనబడుతున్నాయి. అప్పట్లో నాయింట్లో నేనూ నా భార్యా చాలాసారు్ల ఎన్ టి ఆర్ గురించి మాట్లాడుకున్నాం. ఈయన గెలిస్తే బాగుండును అనుకునే వాళ్ళం. 
ఎన్ టి ఆర్, పవన్ – ఈ ఇద్దరూ ఎవరి సి్క్రప్టులతోనో ఉపన్యసించినవారే. ఇద్దరి ఉపన్యాసాలూ విన్నంత సేపూ వేరువేరు సినిమాల్లో వారే చెప్పిన ఈ డైలాగులన్నీ మనకితెలిసినవే అనిపిస్తుంది. అయినా విసుగురాదు. మన వేదనని మనమే వింటున్నట్టు, మన ఆవేశాన్ని మనమే చూపిస్తున్నట్టు, మన చుట్టూ వున్న దుర్నీతిని మనమే తొలగిస్తున్నట్టు అనపిస్తుంది. ఈ ఫీలింగ్స్ అన్నిటికీ భౌతిక సాక్ష్యంగా అనేక సార్లు వెంటు్రకలు నిక్కబొడుస్తాయి. 
అయితే-
రాజశేఖరరెడ్డి చనిపోయింది మొదలు రాష్ట్రవిభజన జరిగేదాకా ఆంధ్రప్రదేశ్ లో జరిగిన పరిణామాల్లో ప్రజలమైన మనకి ఉన్నది ఉన్నట్టు చూసే శక్తి నశించింది. 

మనం రాజకీయపార్టీల ఒట్లకు వేటలమైపోయాం. మనకితెలిసో తెలియకో కులం, మతం, ప్రాంతం కళ్ళజోళ్ళుతొడిగేసుకున్నాం. ఎవరేమిచెప్పినా వినకముందే అనుమానాల్ని పెంచేసుకుని ఆదిశగానే ప్రచారాలు కూడా చేసేస్తున్నాం
ఎన్ టి ఆర్ హయాంలో కూడా ఇది చాలా పరిమితంగా జర్నలిస్టులు, రాజకీయవర్గాలు, సామాజిక వేత్తల్లోనే వుండేది. ప్రజలు మౌనంగా విని నిర్ణయానికి వచ్చేవారు. 24 గంటల న్యూస్ టివిల వల్ల, సోషల్ మీడియావల్లా ప్రజలకు ఇపుడు రెండు పాత్రలు సంక్రమించాయి. ఎవరికి వారు జీవించే సొంత పాత్ర. రెండు ఎవరికితోచిన అహగాహనను ఇతరులకు చెప్పే మీడియా పాత్ర. ఇందులో ప్రతివారూ శ్రోతలే. ప్రతివారూ ఉపన్యాసకులే. 
ఈ గందరగోళంలో పవన్ నే కాదు ఎవరినీ నమ్మలేని స్ధితి … నమ్ముకున్న నాయకుల్నీ అనుమానించే స్ధితి తప్పడం లేదు. 
కాంగ్రస్ కో తెలుగుదేశానికో బిజెపికో ఉపయోగపడటానికే పవన్ వచ్చాడంటే “కాబోలు” అనే అనుమానమే హెచ్చుగా వినబడే గందరగోళం పెరిగిపోయింది. “అవునా” అని ఆశ్చర్యోయే నమ్మకం దాదాపు కనిపించడం లేదు.
అసంఖ్యాకమైన సినీ అభిమానులు వున్న అమితాబ్ బచ్చన్, చిరంజీవి మొదలైన వారు సఫలమైన లేదా విఫలమైన రాజకీయ నాయకులుగానే వుండిపోయారు. చివరిలో రాజకీయనాయకుడిగా ఎన్ టి ఆర్ విఫలమైనప్పటికీ ఆయన ఎప్పటికీ గొప్ప ప్రజానాయకుడే! ప్రజల సుఖదుఃఖాలని కష్టనష్టాలనీ అనుభూతి చెంది ఆవేశాలు ఉద్వేగాలు ఉద్రేకాలతో వాటిని నోటిమాటలతోగాక హృదయపూర్వకంగా ప్రతిబిబింపచేయడం వల్లే ఆయన నాయకులందరిలో ఉన్నతుడయ్యారు. 
పవన్ కళ్యాణ్ కూడా అంతటినాయకుడే అనిపిస్తున్నాడు. మూడు పెళ్ళిళ్ళవాడనో, అన్నలకే చెప్పుకోలేని వాడనో నాలాంటి విమర్శకులు దుమ్మెత్తిపోసినా ప్రజల పట్ల ఆర్తీ ఆర్ధ్రతలున్నంతకాలం, వాళ్ళకోసం దుర్నీతికి ఎదురెళ్ళే దమ్మున్నంతకాలం వారు నాయకుల బలహీనతలను ప్రజలు పట్టించుకోరు. 
బాటవేసినవాళ్ళని ప్రజలు మరచిపోరు. ప్రేమాస్పదంగా గౌరవించుకుంటారు. 

భ్రమలేని నమ్మకం కుదిరితే నమ్మాలనివుంటుంది. నమ్మకం మాటలనుంచి రాదు. హృదయం నుంచి ప్రవహించాలి. భవిష్యత్తులో ఏం జరుగుతుందోకాని పవన్ కలవరింతంతా హృదయపూర్వకమేనని నమ్మకం కలుగుతోంది.
(ఇది నా బ్లాగులో 15-3-2014 న రాసినది అందులో ఒకటిన్నర పేరాలు తొలగించి చూస్తే ఇప్పటికీ హోల్డ్్స గుడ్ అని అర్ధమైంది – పెద్దాడ నవీన్) 
  

  

ఆయనే దేవుడు…ఆయనే దెయ్యం 


ముందే నిర్ణయించుకున్న మూసలతో రాతల్ని కొలిచే పాఠకులున్న క్షేతంలో…ఆరో వర్ధంతినాడు రాజశేఖరరెడ్డిగారిని ప్రస్తుతించడమంటే ఆయన అభిమానులతోనూ, వ్యతిరేకులతోనూ బూతులు తిట్టించుకోవడమే…నాలో పాత్రికేయ లక్షణం ఎంత మిగిలివుందో ఒక సారి చూసుకుందామని తిట్టింగుకోడానికి మిత్రుడు గోపాల్ ప్రేరణతో సిద్దమైపోయాను. వైఎస్ గురించే రాశావు చంద్రబాబు అంత పుడింగా అనే వాళ్ళకి సమాధానం ఇవ్వలేను ఎందుకంటే వాళ్ళు సమయమూ సందర్భమూ ఎరుగని మూర్ఖులు కాబట్టి ….

http://www.telugu360.com/te/ysr-is-god-he-is-the-demon/

   
 

Create a free website or blog at WordPress.com.

Up ↑